Իսրայելն ու Լիբանանը համաձայնության են եկել հրադադարի շուրջ․ ԱՄՆ Պետքարտուղարություն

Լուրեր

22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
Բոլորը

Իսրայելն ու Լիբանանը Միացյալ Նահանգների միջնորդությամբ համաձայնել են հրադադարի ռեժիմի իրականացման շուրջ։ ԱՄՆ Պետքարտուղարությունը եռակողմ հայտարարություն է տարածել այդ մասին։ Համաձայնագիրն Իսրայելի և Լիբանանի ներկայացուցիչների միջև Վաշինգտոնում երկօրյա բանակցությունների արդյունք է, գրում է DW-ի ռուսական ծառայությունը։

Համաձայնության պահպանումը կախված կլինի լիբանանյան «Հըզբոլլահ» արմատական ​​խմբավորման կողմից լիակատար հրադադարի հաստատումից և նրա զինյալների՝ Լիտանի գետի հարավային հատվածից դուրսբերումից, ասվում է հայտարարության մեջ։ Բացի այդ, նշվում է, որ այն նախատեսում է փորձնական գոտիների ստեղծում լիբանանյան բանակի բացարձակ վերահսկողության ներքո։

Լիբանանն ու Իսրայելը մտադիր են շարունակել ուղիղ բանակցությունները՝ համապարփակ համաձայնագրի հասնելու և մնացած չլուծված հարցերը լուծելու համար։

Զինված բախումը կրկին սրվել է Իրանի դեմ ԱՄՆ-Իսրայել պատերազմի սկսվելուց հետո: Մարտի սկզբից «Հըզբոլլահ»-ը վերսկսել է հրթիռային հարձակումները Իսրայելի վրա՝ ի պատասխան ԱՄՆ-Իսրայել հարվածների արդյունքում Իրանի գերագույն առաջնորդ այաթոլլահ Ալի Խամենեիի մահվան: Իսրայելի ռազմաօդային ուժերը հարձակումներին պատասխանել են զանգվածային օդային հարվածներով, այդ թվում՝ Լիբանանի մայրաքաղաք Բեյրութի վրա: Իսրայելը նաև ցամաքային գործողություն է սկսել երկրի հարավում՝ Լիտանի գետի և նրա սահմանի միջև անվտանգության գոտի ստեղծելու համար:

Լիբանանի Առողջապահության նախարարության տվյալներով՝ մարտերի հետևանքով զոհվել է շուրջ 2200 մարդ, այդ թվում՝ բազմաթիվ կանայք և երեխաներ։ Իսրայելական բանակը հայտնել է մարտի սկզբից ի վեր «Հըզբոլլահ»-ի ավելի քան 1700 անդամի մահվան մասին։ Քաղաքացիական բնակչության շրջանում զոհերի ճշգրիտ թիվը հայտնի չէ։

Ապրիլի 14-ին Վաշինգտոնում տեղի էին ունեցել Իսրայելի և Լիբանանի դեսպանների միջև 1993 թվականից ի վեր առաջին ուղիղ բանակցությունները։ Ապրիլի 16-ին ԱՄՆ նախագահ Դոնալդ Թրամփը հայտարարել էր Իսրայելի և «Հըզբոլլահ»-ի միջև հրադադարի մասին։ Մեկ ամիս անց կողմերը համաձայնել էին հրադադարը երկարաձգել 45 օրով, սակայն անմիջապես հետո  կրկին փոխանակվել էին կրակով։

Հունիսի 1-ին Axios-ը, հղում անելով աղբյուրներին, հաղորդել էր, որ Թրամփը հեռախոսով հանդիմանել է Իսրայելի վարչապետ Բենիամին Նեթանյահուին՝ այդ օրը Բեյրութի հարավային արվարձաններին հարվածներ հասցնելու հրաման տալու համար։ Այս հարվածներից հետո Թեհրանը հայտարարել էր, որ կասեցնում է պատերազմը դադարեցնելու վերաբերյալ բանակցությունները Վաշինգտոնի հետ։

ԱՄՆ նախագահը հերքել էր, որ բանակցությունները դադարեցվել են՝ ընդգծելով, որ դրանք «շարունակվում են արագ տեմպերով»։ TruthSocial սոցիալական ցանցում Թրամփը հայտարարել էր, որ համաձայնության է եկել Իսրայելի և Լիբանանի հետ՝ դադարեցնել փոխադարձ հարձակումները, այդպիսով ապահովելով բանակցությունների շարունակությունը։

Թարգմանությունը՝ Էմմա Չոբանյանի