«Մարգարա» անցակետը հնարավոր է վերագործարկվի․ ՊԵԿ-ը շուրջ 11 մլն դրամի ծախս է իրականացնում

Լուրեր

22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
Բոլորը

Պետական եկամուտների կոմիտեն կառավարության քննարկմանն է ներկայացրել նախագիծ, որով առաջարկվում է 2026 թվականի պետական բյուջեի շրջանակում վերաբաշխել շուրջ 196 մլն դրամ՝ մի շարք տեխնիկական սարքավորումների ձեռքբերման և ենթակառուցվածքների արդիականացման համար։

Նախագծի համաձայն՝ ՊԵԿ-ը նախատեսում է ձեռք բերել 130 պլանշետ՝ հարկային և մաքսային ծառայողների համար, որի արժեքը կկազմի 58.5 մլն դրամ։ Կոմիտեն նաև ցանկանում է ներգրավել 3 ծրագրավորող՝ տեղեկատվական համակարգերի մշակման և սպասարկման աշխատանքները ներքին ուժերով կազմակերպելու նպատակով, ինչի համար նախատեսվում է 48.4 մլն դրամ։
Փաստաթղթով նախատեսվում է նաև Երևանում ստեղծել մաքսային մոնիթորինգի կենտրոն, որի նախագծման և շինարարական աշխատանքների համար անհրաժեշտ կլինի շուրջ 39.1 մլն դրամ։

ՊԵԿ-ը մտադիր է գնել նաև DJI Air 3S և DJI Mavic 3 տեսակի երկու անօդաչու թռչող սարք, ինչպես նաև մարմնին ամրացվող տեսախցիկներ՝ օպերատիվ-հետախուզական միջոցառումների և հետաքննությունների իրականացման համար։

Նախագծով նախատեսվում է արդիականացնել նաև «Մարգարա» մաքսային անցակետը, որի համար անհրաժեշտ կլինի ավելի քան 10.7 մլն դրամ։ Հիմնավորման մեջ նշվում է, որ աշխատանքները պայմանավորված են անցակետի հնարավոր վերագործարկման հեռանկարով և ակնկալվող ուղևորահոսքերի սպասարկման անհրաժեշտությամբ։

Բացի այդ, ՊԵԿ-ը նախատեսում է ձեռք բերել նոր համակարգիչներ, տպիչներ, IP հեռախոսներ, արտաքին կոշտ սկավառակներ, ինչպես նաև ՀԾ հաշվապահական ծրագրի լիցենզիա։

Նախագծում նշվում է, որ առաջարկվող վերաբաշխումները կիրականացվեն ՊԵԿ-ի ծրագրերում գոյացած տնտեսումների հաշվին, և պետական բյուջեի ընդհանուր ծախսերի ու եկամուտների փոփոխություն չի նախատեսվում։

Նարեկ Կիրակոսյան