03.06.2026 | 16:33
Թուրքիայի տրանսպորտի նախարարը, այսպես կոչված, «Զանգեզուրի միջանցքի» աշխատանքներին է անդրադարձել
Թրամփը հայտարարել է, որ կցանկանար հանդիպել Իրանի գերագույն առաջնորդ Մոջթաբա Խամենեիի հետ
Քաղաքականություն
03.06.2026 | 16:01
ԱՄՆ նախագահ Դոնալդ Թրամփը The New York Post-ի հետ զրույցում ասել է, որ «կցանկանար հանդիպել» Իրանի գերագույն առաջնորդ Մոջթաբա Խամենեիի հետ, գրում է Arab news-ը։
«Ես կցանկանայի հանդիպել նրա հետ, և մենք, հավանաբար, կհանդիպենք որոշակի պահի՝ կախված նրանից, թե ինչպես կզարգանան իրադարձությունները», – ասել է Թրամփը։
Նա հավելել է, որ ակնկալում է, ի վերջո, հանդիպել Իրանի առաջնորդին և ասել, որ երկու կողմերը «բավականին լավ են լեզու գտնում»՝ չնայած խաղաղության հասնելու ջանքերի ձախողմանը։
Թրամփը նաև հայտարարել է, թե Իրանը համաձայնել է չունենալ միջուկային զենք, և որ Իրանի գերագույն առաջնորդը ներգրավված է Միացյալ Նահանգների հետ բանակցություններում։
«Նրանք արդեն համաձայնել են, որ չեն ունենալու միջուկային զենք»,- վստահեցրել է ԱՄՆ նախագահը։
56-ամյա Մոջթաբա Խամենեին Իրանի գերագույն առաջնորդ է դարձել այն բանից հետո, երբ նրա հայրը՝ Ալի Խամենեին, սպանվեց փետրվարի 28-ին ԱՄՆ-ի և Իսրայելի կողմից իրականացված առաջին հարվածների ժամանակ, որոնք հանգեցրին տարածաշրջանային պատերազմի: Նա հանրությանը չի հայտնվել հակամարտության սկսվելուց ի վեր:
Միաժամանակ, ԱՄՆ պետքարտուղար Մարկո Ռուբիոն երեքշաբթի սենատորներին ասել էր, որ Խամենեի կրտսերը ողջ է և «որոշ չափով ավելի ու ավելի է ներգրավված», չնայած նրա հետ հաղորդակցությունը միայն գրավոր է կամ միջնորդների միջոցով։
Թարգմանությունը՝ Էմմա Չոբանյանի
