06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Խերսոնում ռուսական հարձակումների հետևանքով զոհ և վիրավորներ կան
Քաղաքականություն
03.06.2026 | 13:03
Ռուսական զորքերը հունիսի լույս 3-ի գիշերը Ուկրաինայի տարածքի ուղղությամբ արձակել են 198 հարվածային անօդաչու թռչող սարք, որոնցից 189-ը չեզոքացվել է, հայտնել են Ուկրաինայի ռազմաօդային ուժերը, գրում է Current time-ը։
Խերսոնի Դնեպրովսկի շրջանում ռուսական հարվածների հետևանքով զոհվել է մեկ կին, վեց վիրավոր կա, գրել է Խերսոնի մարզային ռազմական վարչակազմի ղեկավար Ալեքսանդր Պրոկուդինը։
Քաղաքային իշխանությունները հայտնել են նաև երեք տուժածի մասին Կենտրոնական շրջանում՝ շենքի վրա անօդաչուի հարվածից հետո: Եվս երկու մարդ վիրավորվել է Խերսոնի Կորաբելնի և Դնեպրովսկի շրջաններում։
Օդեսայի շրջանի ռազմական վարչակազմի ղեկավար Օլեգ Կիպերը հայտնել է, որ հարձակման հետևանքով վնասվել են մեկ բեռնատար և կայանատեղիում գտնվող շենքը: Երկու տղամարդ վիրավորվել է, նրանցից մեկը հոսպիտալացվել է։
Ռուսական ուժերը հարվածներ են հասցրել նաև Խարկովի Խոլոդնոգորսկի և Օսնովյանսկի շրջաններին։ Շրջանային վարչակազմի ղեկավար Օլեգ Սինեգուբովը հայտնել է հինգ վիրավորի մասին։
Թարգմանությունը՝ Էմմա Չոբանյանի
