25.10.2026 | 01:23
Հայաստանը հաղթեց «Մանկական Եվրատեսիլ»-ում
Եկեղեցին ամուր է․ Գարեգին Բ-ն՝ ՔՊ-ի նախընտրական ծրագրում իրեն պաշտոնից հեռացնելու դրույթի մասին․ ՏԵՍԱՆՅՈՒԹ
Քաղաքականություն
02.06.2026 | 17:30
«Մենք տակավին ընտրության արդյունքները չգիտենք, բայց եկեղեցին միշտ էլ պատրաստ է իր իրավունքները պաշտպանել ամբողջանվեր կերպով»,- այս մասին մի քանի ԶԼՄ-ների ղեկավարների հարցերին ի պատասխան հայտնել է Գարեգին Բ կաթողիկոսը՝ խոսելով «Քաղաքացիական պայմանագիր» կուսակցության նախընտրական ծրագրում վերջինիս հեռացնելու և եկեղեցու բարենորոգման վերաբերյալ ծրագրի մասին:
«Ես որևէ կերպ որևէ կառույցի և իշխանության թույլ չեմ տա, որ միջամուխ լինի եկեղեցու ներքին կյանքին և փորձի եկեղեցին ենթարկեցնել իր կամքին: Այնպես որ, մեր և մեր եկեղեցականաց կեցվածքն ու դիրքորոշումը շատ ամուր է և հստակ:
Պարզապես դա միայն եկեղեցու պաշտպանություն չէ, այլ նաև հավատավոր ժողովրդի: Դա նաև մեզ է վերաբերում՝ մեր պաշտպանությանը, ու մենք ակնկալում ենք եկեղեցուց բավական լուրջ, կոշտ քայլեր: Բնականաբար, եկեղեցու այդ կեցվածքը ի սեր մեր ժողովրդի է, ի սեր մեր հայրենիքի: Եկեղեցին ունի կարևոր առաքելություն, որ դարերով իրականացրել է մեր ժողովրդի կյանքում՝ մեր մշակույթի կերտման, մեր հոգևոր-ազգային արժեքների ձևավորման, մեր ինքնության պահպանության և մեր ժողովրդի կյանքի հարատևության երաշխիքները ապահովելու առումով»,-ասել է նա։
Մանրամասները՝ տեսանյութում։
