21.01.2026 | 20:22
Կամո Ցուցուլյանին գեներալ-մայորի կոչում է շնորհվել
Պորոշենկոն Ուկրաինայում ռազմական դրություն սահմանելու մասին հրամանագիր է ստորագրել
Քաղաքականություն
26.11.2018 | 19:03
Ուկրաինայի նախագահ Պյոտր Պորոշենկոն մինչև 2019 թվականի հունվարի 25-ը երկրում ռազմական դրություն սահմանելու մասին հրամանագիր է ստորագրել: Պորոշենկոն այն ուղարկել է Գերագույն Ռադա՝ հաստատման: Այս մասին գրում է ՏԱՍՍ-ը՝ վկայակոչելով պետության ղեկավարի կայքը:
«Գործողության մեջ դնել Ուկրաինայի Ազգային անվտանգության և պաշտպանության խորհրդի 2018 թվականի նոյեմբերի 26-ր՝ «Ուկրաինայի անկախության և պետական ինքնիշխանության ապահովման արտակարգ միջոցների և Ուկրաինայում ռազմական դրություն սահմանելու մասին» որոշումը»,- ասված է փաստաթղթում:
Ուկրաինայի Ազգային անվտանգության և պաշտպանության խորհրդի որոշման համաձայն՝ երկրի Գլխավոր շտաբին հանձնարարված է հակաօդային պաշտպանություն կազմակերպել՝ «նպատակ ունենալով պետական օբյեկտները պաշտպանել» օդից հարվածներից, ինչպես նաև մասնակի մոբիլիզացիային ուղղված միջոցներ նախատեսել:
Հրամանագրում նաև հանձնարարվում է անհապաղ միջոցներ ձեռնարկել՝ ուժեղացնելու հակահետախուզական, հակաահաբեկչական գործունեությունն ու տեղեկատվական անվտանգությունը:
Միաժամանակ, Պետական սահմանապահ ծառայությանը հանձնարարվել է ուժեղացնել Ղրիմի վարչական սահմանին Ռուսաստանի հետ պետական սահմանի պաշտպանությունը: Փաստաթուղթն ուժի մեջ է մտնում ստորագրման պահից:
