06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Թրամփն Ադրբեջանում ԱՄՆ դեսպանի պաշտոնում թեկնածուի է առաջադրել
Քաղաքականություն
02.06.2026 | 12:57
ԱՄՆ նախագահ Դոնալդ Թրամփը Վիրջինիա նահանգից Ալեքսանդր Օլդենի թեկնածությունն առաջադրել է Ադրբեջանում ԱՄՆ դեսպանի պաշտոնում։ Այս մասին հայտնում են ադրբեջանական լրատվամիջոցները՝ վկայակոչելով Սպիտակ տան հաղորդագրությունը։
Օլդենի թեկնածությունն ուղարկվել է ԱՄՆ Սենատ՝ քննարկման և հաստատման համար։
Ալեքսանդր Օլդենն ամերիկացի դիվանագետ և միջազգային անվտանգության փորձագետ է, աշխատել է Թրամփի առաջին վարչակազմում (2017-2021), տարբեր պաշտոններ է զբաղեցրել Պետքարտուղարությունում, Ազգային անվտանգության խորհրդում և Պենտագոնում:
Ավելի ուշ նա դարձել է Palantir Technologies-ի (ամերիկյան տվյալների վերլուծության և ծրագրային ապահովման մշակման ընկերություն) ավագ խորհրդական և Atlantic Council վերլուծական կենտրոնի անդամ: Օլդենը հայտնի է ԱՄՆ արտաքին քաղաքականության, պաշտպանության ոլորտներում ու Եվրոպայի հետ հարաբերությունների վերաբերյալ աշխատանքով:
Ադրբեջանում ԱՄՆ դիվանագիտական առաքելությունն այժմ ղեկավարում է գործերի ժամանակավոր հավատարմատար Էմի Քարլոնը: Նախկինում դեսպանի պաշտոնը զբաղեցնում էր Մարկ Լիբբին:
Թարգմանությունը՝ Էմմա Չոբանյանի
