ՌԴ-ն զանգվածային հարված է հասցրել Ուկրաինային․ զոհվել է 10 մարդ, վիրավորվել՝ 116-ը

Լուրեր

22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
Բոլորը

Ռուսական զորքերը հունիսի լույս 2-ի գիշերը Ուկրաինայի ուղղությամբ արձակել են 73 հրթիռ, այդ թվում՝ «Ցիրկոն», «Կալիբր» և «Իսկանդեր-Մ», ինչպես նաև 656 անօդաչու թռչող սարք։ Հակաօդային պաշտպանության ուժերը խոցել են 40 հրթիռ և 602 անօդաչու, հայտնել է Ուկրաինայի ռազմաօդային ուժերի հրամանատարությունը, գրում է Current time-ը։

Կիև

Կիևի քաղաքապետ Վիտալի Կլիչկոն հայտնել է, որ քաղաքում զոհվել է 4 մարդ, ևս 58-ը վիրավորվել է, որոնցից 48-ը հոսպիտալացվել են, այդ թվում՝ երեք երեխա։ Ավելի ուշ Կիևի քաղաքային ռազմական վարչակազմի ղեկավար Տիմուր Տկաչենկոն հայտնել է, որ տուժածների  թիվը հասել է 63-ի։ Դարնիցկիի շրջանում անօդաչուի բեկորների ընկնելու հետևանքով հրդեհ է բռնկվել բենզալցակայանում: Օբոլոնսկիի շրջանում անօդաչու թռչող սարքի բեկորներն ընկել են մանկապարտեզների մոտ: Շևչենկովսկիի շրջանում վնասվել են ինը հարկանի բնակելի շենքի ճակատային մասը և տանիքը: Հրդեհներ են բռնկվել ոչ բնակելի եռահարկ շենքում և 25 հարկանի բնակելի շենքի չորրորդ և հինգերորդ հարկերում: Սվյատոշինսկիի շրջանում հրդեհ է բռնկվել հինգ հարկանի շենքի առաջին հարկում:

Պոդոլսկի շրջանում, նախնական տեղեկությունների համաձայն, ինը հարկանի բնակելի շենքի վրա կրկնվող  հրթիռային հարվածը մասնակի կառուցվածքային փլուզման պատճառ է դարձել։ Բացի այդ, անօդաչու թռչող սարքի բեկորների հետևանքով հրդեհ է  բռնկվել  մեկ այլ ինը հարկանի շենքի տանիքում և այլ ոչ բնակելի շենքերում՝ վնասելով մի քանի մեքենա և պահեստ։ Գոլոսիևսկի շրջանում պոլիկլինիկայի երկրորդ և երրորդ հարկերը ոչնչացվել են, և մի քանի մեքենա այրվել է։ Սոլոմենսկի շրջանում անօդաչու թռչող սարքի բեկորները հարվածել են 15 հարկանի բնակելի շենքի վերին հարկերին, և հրդեհներ են բռնկվել 24 հարկանի բնակելի շենքի յոթերորդ և ութերորդ հարկերում և երկու մասնավոր տներում։

Կիևի մարզ

Կիևի մարզում վիրավորվել է 3 մարդ։ Ըստ տարածաշրջանային ռազմական վարչակազմի ղեկավար Նիկոլայ Կալաշնիկի՝ Բուչայի շրջանում վնասվել են երեք մասնավոր տներ, լոգիստիկ և պահեստային օբյեկտներ, ոչ բնակելի շենքեր և վեց բեռնատար, Վիշգորոդի շրջանում վնասվել են երկու բնակարանային շենք և մեկ մասնավոր տուն, իսկ Ֆաստիվի և Օբուխովի շրջաններում վնասվել են մասնավոր տներ։

«Ռուսաստանը կրկին ցույց է տալիս, որ իր թիրախը խաղաղ բնակիչների կյանքն է։ Յուրաքանչյուր նման հանցագործության, յուրաքանչյուր ավերված կյանքի և ավերված տան համար զավթողը պետք է արդարացիորեն պատժվի»,- գրել է նա։

Դնեպրոպետրովսկի մարզ

Տարածաշրջանային ռազմական վարչակազմի ղեկավար Ալեքսանդր Գանժան հայտնել է, որ Դնեպրում 6 մարդ զոհվել է, ևս 33-ը վիրավորվել է։ Նա ասել է, որ բազմաբնակարան շենքերը մասամբ ավերվել են, վնասվել է մեկ բիզնես, հրշեջ կայան, ավտոտնակներ և մեքենաներ։ Երկու վիրավորներ ծանր վիճակում են, 24 մարդ էլ հոսպիտալացվել է միջին ծանրության վիճակում։ Կամենսկի շրջանում վնասվել են վարչական և բազմաբնակարանային շենքեր, վիրավորվել է 3 մարդ։

Խարկովի մարզ

Խարկովի մարզում վիրավորվել է 14 մարդ: Ուկրաինայի արտակարգ իրավիճակների պետական ​​ծառայության տվյալներով՝ ռուսական զորքերը կոմբինացված հարձակում են իրականացրել  Խարկովի և Բարվենկովսկա, Դոնեցկ, Մերեֆա և Վիսոչանսկա համայնքների վրա: Այրվել են բնակելի շենքեր, օժանդակ շինություններ, ավտոտնակներ, մեքենաներ և այլ քաղաքացիական կառույցներ, վնասվել են բազմահարկ և մասնավոր բնակելի շենքեր:

Թարգմանությունը՝ Էմմա Չոբանյանի