06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ռուսաստանի հայերի միության Կրասնոդարի բաժանմունքը հայտարարել է ընտրողներին Հայաստան մեկնելու հարցում աջակցելու պատրաստակամության մասին
01.06.2026 | 20:45
Մայիսի 15-ին Ռուսաստանի հայերի միության Կրասնոդարի տարածաշրջանային բաժանմունքը սոցիալական ցանցերում գրառում է տարածել, որտեղ ներկայացրել է, թե ինչ ընթացակարգով կարող են արտերկրում բնակվող ՀՀ քաղաքացիները մասնակցել հունիսի 7-ին Հայաստանում կայանալիք խորհրդարանական ընտրություններին։ Նույն գրառմամբ կառույցը հայտնել է, որ պատրաստ է աջակցել Կրասնոդարում բնակվող ՀՀ քաղաքացիների՝ Հայաստան մեկնելու կազմակերպմանն ընտրություններին մասնակցելու համար։
Գրառումը տարածվել է կառույցի կայքում հղված պաշտոնական սոցիալական էջերով՝ Թելեգրամով և ՎԿոնտակտեով, ինչպես նաև Ֆեյսբուքի և Ինստագրամի էջերով։
Գրառման մեջ նշված են Ռուսաստանի հայերի միության Կրասնոդարի տարածաշրջանային բաժանմունքի հասցեն և բաժանմունքի փոխնախագահ Գևորգ Սահակյանի հեռախոսահամարը։
Factor TV-ն մի քանի անգամ փորձել է կապ հաստատել նշված հեռախոսահամարով՝ պարզելու, թե ինչ տեսակի աջակցություն է պատրաստվում տրամադրել Ռուսաստանի հայերի միության Կրասնոդարի բաժանմունքը Կրասնոդարում բնակվող ՀՀ քաղաքացիներին՝ Հայաստան մեկնելու կազմակերպչական հարցերում։ Սակայն մեր զանգերին այդպես էլ արձագանք չի եղել։
Ռուսաստանի հայերի միության Կրասնոդարի երկրամասի բաժանմունքը Ռուսաստանի հայերի միության տարածաշրջանային կառույցն է, որը, ըստ կազմակերպության կայքի, զբաղվում է տեղի հայկական համայնքի համախմբման, մշակութային, սոցիալական և հայրենակցական ծրագրերով։
Մարիա Խաչատրյան
