28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Փաշինյան-Պուտին հեռախոսազրույց․ ինչ են շեշտել Երևանն ու Մոսկվան
Քաղաքականություն
01.06.2026 | 13:03
ՀՀ կառավարությունն ու Կրեմլը հաղորդագրություններ են տարածել Նիկոլ Փաշինյանի և Վլադիմիր Պուտինի հեռախոսազրույցի մասին, որոնցում շեշտադրումները փոքր-ինչ տարբերվում են։ Կրեմլը հիմնականում ընդգծել է ծննդյան օրվա շնորհավորանքը և հայ-ռուսական հարաբերությունների «ավանդաբար բարեկամական» բնույթը, մինչդեռ ՀՀ կառավարության հաղորդագրությունում նշվում է նաև երկկողմ և բազմակողմ օրակարգի քննարկման, Փաշինյանի կողմից Պուտինին մի շարք հարցերում «հավասարակշռված դիրքորոշումների, բարեկամական տոնայնության և աջակցության» համար շնորհակալություն հայտնելու, ինչպես նաև առաջիկայում հանդիպման ձևաչափով քննարկումները շարունակելու պայմանավորվածության մասին։
«Տեղի է ունեցել վարչապետ Նիկոլ Փաշինյանի հեռախոսազրույցը Ռուսաստանի Դաշնության նախագահ Վլադիմիր Պուտինի հետ։
ՌԴ նախագահը ՀՀ վարչապետին շնորհավորել է ծննդյան օրվա առիթով և բարեմաղթանքներ հղել։ Վարչապետ Փաշինյանը շնորհակալություն է հայտնել ՌԴ նախագահին՝ զանգի և շնորհավորանքի համար։
Զրուցակիցները մտքեր են փոխանակել նաև երկկողմ և բազմակողմ օրակարգի ընթացիկ հարցերի շուրջ։
ՀՀ վարչապետը ՌԴ նախագահին շնորհակալություն է հայտնել տարընթերցումների առիթ տվող մի շարք հարցերի վերաբերյալ հավասարակշռված դիրքորոշումների, բարեկամական տոնայնության, ինչպես նաև աջակցության համար։
Զրուցակիցները պայմանավորվել են քննարկումները շարունակել առաջիկա հարմար առիթով՝ հանդիպման ձևաչափով»,- ասված է ՀՀ կառավարության տարածած հաղորդագրությունում։
Հիշեցնենք, որ ավելի վաղ հյատնել էինք ՌԴ նախագահ Վլադիմիր Պուտինը շնորհավորել է ՀՀ վարչապետ Նիկոլ Փաշինյանին 51-ամյակի կապակցությամբ։
