16.08.2026 | 20:10
Ուկրաինան սկսել է բրիտանական անօդաչուներ օգտագործել Ռուսաստանի խորքում գտնվող թիրախներին հարվածելու համար․ The Sunday Times
Մալթայում հրավառության գործարանում հզոր պայթյուն է տեղի ունեցել․ ՏԵՍԱՆՅՈՒԹ
Քաղաքականություն
01.06.2026 | 14:44
Մալթայում Մագհաթաբ շրջանում գտնվող Տա’Լուրդեսի հրավառության գործարանում տեղի ունեցած հզոր պայթյունից հետո երկու տղամարդ թեթև վնասվածքներով տեղափոխվել է Մատեր Դեյ հիվանդանոց։ 67-ամյա և 47-ամյա տղամարդիկ պայթյունի պահին գործարանի մոտ գտնվող դաշտերում են եղել, գրում են տեղական լրատվամիջոցները։
Ոստիկանությունը հաստատել է, որ պայթյունի ժամանակ գործարանի աշխատողներից ոչ ոք տեղում չի եղել։ Պայթյունի ձայնը լսվել է մի քանի կիլոմետր հեռավորության վրա՝ ցնցելով շենքերը և կոտրելով շենքերի պատուհաններ։ Արտակարգ իրավիճակների ծառայություններ են ուղարկվել դեպքի վայր, ոստիկանությունը հետաքննում է միջադեպը։
Երկրի քաղաքական առաջնորդներն ու Եվրախորհրդարանի նախագահը մտահոգությամբ արձագանքել են հրավառության գործարանում տեղի ունեցած պայթյունին։
Մալթայի վարչապետ Ռոբերտ Աբելան ասել է, որ իր մտքերը տուժածների հետ են։ Ընդդիմության առաջնորդ Ալեքս Բորգն էլ շնորհակալություն է հայտնել Սալինիի տարածքում արձագանքած անվտանգության ուժերին՝ պայթյունը որակելով որպես «երկիրը ցնցող»։
Եվրոպական խորհրդարանի նախագահ Ռոբերտա Մետսոլան ասել է, որ իրեն ցնցել է պայթյունը։ Նա շնորհակալություն է հայտնել քաղաքացիական պաշտպանության ծառայությունների անդամներին և բոլոր նրանց, ովքեր տեղում են «այս դժվարին պայմաններում»։
Թարգմանությունը՝ Էմմա Չոբանյանի
