24.10.2026 | 23:13
Երևան–Աշտարակ ճանապարհին վթարից տուժած 5 երեխաներից 3-ի վիճակը ծայրահեղ ծանր է. ԱՆ
Ուկրաինայում ռուսական զորքերի հարձակման հետևանքով 19 մարդ է վիրավորվել
Քաղաքականություն
01.06.2026 | 13:48
Ռուսական զորքերը հունիսի լույս 1-ի գիշերն Ուկրաինայի վրա 265 անօդաչու թռչող սարք են արձակել, որոնցից 228-ը խոցվել է։ Այս մասին հայտնում են Ուկրաինայի ռազմաօդային ուժերը, գրում է Current time-ը։
Չեռնիգովի մարզում, ըստ Ուկրաինայի պետական արտակարգ իրավիճակների ծառայության, անօդաչու թռչող սարքի հարվածից վիրավորվել է 8 մարդ, այդ թվում՝ 3 երեխա։ Հրդեհ է բռնկվել Կորյուկովսկի շրջանի Սնովսկոյե գյուղի համայնքային կենտրոնում, իսկ Ռեպկի գյուղում վնասվել է մասնավոր տուն։
Խարկովում վիրավորվել է 4 կին։ Արտակարգ իրավիճակների պետական ծառայությունը հայտնել է, որ վնասվել են բազմահարկ շենքեր, մեքենաներ և ավտոտնակներ։ Տարածաշրջանային ռազմական վարչակազմի ղեկավար Օլեգ Սինեգուբովը գրել է, որ հարվածը վնասել է հինգ հարկանի բնակելի շենք և հարակից բազմահարկ շենքերը, ինչպես նաև ամբողջությամբ ոչնչացրել է երկու ավտոտնակ։
Օդեսայում վիրավորվել է 6 մարդ։ Գերատեսչության տվյալներով՝ ռուսական հարձակման հետևանքով վնասվել են ինը հարկանի շենքի ճակատային մասը և պատշգամբները, ջեռուցման համակարգը և վարչական շենքը։ Բացի այդ, ոչնչացվել են մեկ և երկհարկանի տներ, հրդեհվել է երեք մեքենա, սննդի վերամշակման սարքավորումներով և ցորենով լի պահեստներ։
Ավելի ուշ Օդեսայի ռազմական վարչակազմի ղեկավար Սերգեյ Լիսակը հայտնել է 7 վիրավորի մասին։
Թարգմանությունը՝ Էմմա Չոբանյանի
