28.11.2024 | 23:27
Վրաստանում ցուցարարները շարժվում են դեպի խորհրդարան
Մեքսիկացի միգրանտները փորձել են ապօրինաբար հատել սահմանը. ԱՄՆ-ն արցունքաբեր գազ և ռետինե փամփուշտներ է կիրառել. ԼՈՒՍԱՆԿԱՐՆԵՐ
Քաղաքականություն
26.11.2018 | 17:03
Մեքսիկական Տիխուանայում շուրջ 500 միգրանտներ փորձել են հատել սահմանն ու ապօրինի ԱՄՆ անցնել: Այս մասին գրում է ՌԲԿ-ն՝ վկայակոչելով Excelsior-ը:
Ամերիկյան կողմը սահմանախախտների դեմ արցունքաբեր գազ և ռետինե փամփուշտներ է կիրառել: Մի քանի մարդ վնասվածքներ է ստացել:
Մեքսիկայի ՆԳՆ-ն հայտարարել է, որ ամերիկյան իշխանությունների հետ համագործակցության արդյունքում սահմանախախտ միգրանտները ձերբակալվել են: Նրանց կարտաքսեն: Նշվում է, որ նրանց նկատմամբ ռազմական ուժ չի կիրառվի: Ըստ տվյալների՝ «միգրանտների քարավանը» կազմված է ավելի քան 8.200 մարդուց:
Ամերիկյան սահմանապահ ծառայությունն արգելել է մեքենաների և հետիոտնի տեղաշարժը Սան Իսիդրո: Սպիտակ տանը հայտարարել են, որ այդ շրջան լրացուցիչ ուժեր են ուղարկել, այդ թվում՝ ծովային հետևակայինների:
Ավելի վաղ հաղորդվել էր, որ Մեքսիկայի իշխանությունները համաձայնել են ընդունել ԱՄՆ-ում պետության հաշվին ապրող միգրանտներին, քանի դեռ ամերիկյան դատարանները քննում են նրանց ապաստան տրամադրելու հայցերը:
