23.10.2026 | 22:44
Երևանի 2 վարչական շրջանում փոշու պարունակությունը գերազանցել է սահմանային շեմը
Ջոն Կորդոբա․ «Մեզ համար բարդ կլինի առանց Սպերցյանի, նա մեր առաջատարն է»
29.05.2026 | 16:38
Ռուսական «Կրասնոդարի» կոլումբացի հարձակվող Ջոն Կորդոբան անդրադարձել է իր ակումբակից Էդուարդ Սպերցյանի հնարավոր տեղափոխությանն այլ ակումբ։ Ավելի վաղ լուրեր էին շրջանառվում, որ Հայաստանի ազգային հավաքականի ավագն ամռանը կարող է հեռանալ «Կրասնոդարից»։
«Սպերցյանի հետ չենք քննարկել նրա հեռանալը։ Որոշողը միայն նա է։ Դա նրա ընտրությունն է։ Կարելի է տալ խորհուրդներ, բայց նա կարող է ինքնուրույն հասկանալ դա։ Նա գիտի իր տվյալները, թե ինչի է ընդունակ։
Իհարկե, մեզ համար բարդ կլինի առանց Սպերցյանի։ Նա մեր առաջատարն է։ Սակայն մենք թիմ ենք։ Եթե հեռանամ ես, դարձյալ շատ բան կփոխվի։ Բայց միևնույն է՝ թիմը կվերակառուցվի և կվերահավաքվի»,- Ջոն Կորդոբայի խոսքը մեջբերում է Sport-express.ru-ն։
Ռուսաստանի ավարտված առաջնությունում Էդուարդ Սպերցյանը մասնակցել է 30 հանդիպման, դարձել 13 գոլի ու 16 գոլային փոխանցման հեղինակ։ 25-ամյա կիսապաշտպանի գործող պայմանագիրը նախատեսված է մինչև 2029թ․ հունիսի 30-ը։
