28.05.2026 | 17:39
Զախարովան Նիկոլ Փաշինյանին մեղադրել է «հակառուսական տրամադրություններին» աջակցելու մեջ․ ՏԵՍԱՆՅՈՒԹ
Ռուբիոն ընդգծել է, որ ԱՄՆ-ը Հայաստանի հետ տեսնում է նոր և կարևոր հարաբերությունների զարգացում. Նարեկ Մկրտչյան
Քաղաքականություն
28.05.2026 | 16:48
ԱՄՆ պետքարտուղար Մարկո Ռուբիոն մեկնաբանել է իր այցը Հայաստան՝ ընդգծելով, որ Միացյալ Նահանգները Հայաստանի հետ տեսնում է նոր և կարևոր հարաբերությունների զարգացում, որոնցում տևական ժամանակ նկատելի առաջընթաց չի եղել՝ X-ի իր էջում գրել է ԱՄՆ-ում ՀՀ դեսպան Նարեկ Մկրտչյանը:
«Պետքարտուղար Ռուբիոն ընդգծել է TRIPP նախաձեռնության կարևորությունը՝ որպես ձեռքբերում Հայաստանի և Ադրբեջանի միջև խաղաղության հաստատման ճանապարհին, ինչպես նաև հիշատակել այն փաստաթղթերը, որոնք երեկ ստորագրվել են Հայաստանի հետ»,- գրել է դեսպանը:
Հիշեցնենք, որ մայիսի 26-ին ԱՄՆ պետքարտուղար Ռուբիոն տիկնոջ հետ ժամանեց Երևան։
Ստորագրվեցին՝
1․ Հայաստանի Հանրապետության և Ամերիկայի Միացյալ Նահանգների միջև համապարփակ ռազմավարական գործընկերության կանոնադրություն,
2․Հայաստանի Հանրապետության և Ամերիկայի Միացյալ Նահանգների միջև կարևորագույն հանքանյութերի և հազվագյուտ հանածոների արդյունահանման և մշակման ոլորտում մատակարարման ապահովման շրջանակային հուշագիր,
3․ «Հայաստանի Հանրապետության և Ամերիկայի Միացյալ Նահանգների միջև «Թրամփի ուղի՝ հանուն միջազգային խաղաղության և բարգավաճման» նախագծի (ԹՐԻՓՓ) վերաբերյալ ռազմավարական համագործակցության մասին շրջանակային համաձայնագիր։
