06.09.2026 | 20:00
«Շատ մեծ ուրախություն էր, երբ իմացանք, որ խաղալու ենք «Միլանի» դեմ»․ Գևորգ Ղազարյան․ ՏԵՍԱՆՅՈւԹ
Հնդկաստանում կապամոնտաժեն Լիոնել Մեսիի հսկայական արձանը
28.05.2026 | 15:45
Հնդկաստանի Կուլկատա քաղաքում կապամոնտաժեն ամերիկյան «Ինտեր Մայամի» և աշխարհի չեմպիոն Արգենտինայի հավաքականի հարձակվող Լիոնել Մեսիի 21 մետրանոց արձանը՝ կառույցի ոչ հուսալի լինելու պատճառով։
«Արգենտինական ֆուտբոլի լեգենդի արձանը վտանգավոր է դարձել։ Մենք նկատել ենք, որ արձանը քամու ժամանակ ճոճվում է»,- BBC-ին հայտնել է Արևմտյան Բենգալիայի նահանգի օրենսդիր ժողովի պատգամավոր Շարադվատ Մուկերջին։
Անցկացված ստուգումից հետո կառույցն ամրացրել են պողպատե լարերով, իսկ տարածքի շուրջ տեղադրել են պատնեշներ՝ մարդկանց և տրանսպորտի մուտքը սահմանափակելու համար։ Իշխանությունները դիտարկում են արձանը տեղափոխելու այլընտրանքային վայրեր։
Լիոնել Մեսին 2025 թվականի դեկտեմբերին մասնակցել էր արձանի բացման արարողությանը։ 38-ամյա ֆուտբոլիստը հայտնվել էր մեծ էկրանին և հեռակառավարման վահանակի կոճակ սեղմել։ Ավելի ուշ «Ոսկե գնդակի» 8-ակի դափնեկիրը եղել էր Հնդկաստանի չորս քաղաքներում։
