28.05.2026 | 16:37
Գեղասահքի համաշխարհային աստղերն ու օլիմպիական չեմպիոնները ելույթ կունենան Երևանում
Կիևում դեսպանատունը բաց է․ ԱՄՆ-ն արձագանքել է տարհանման պնդումներին
Քաղաքականություն
28.05.2026 | 15:38
ԱՄՆ դեսպանատունը բաց է։ Այս մասին ասվում է Ուկրաինայում ԱՄՆ դեսպանատան X-ում տարածած հաղորդագրությունում։
«Մեր գործունեության մեջ որևէ փոփոխություն չկա, այլ հաղորդագրությունները կեղծ են։ Պետքարտուղարությունն ամերիկացիների անվտանգությունից ավելի բարձր առաջնահերթություն չունի և պարբերաբար վերանայում է Կիևի դեսպանատան անվտանգության վիճակը։ Մենք վերահաստատում ենք մեր ուղերձը, որ ամերիկացիները չպետք է որևէ պատճառով այցելեն Ուկրաինա՝ զինված հակամարտության պատճառով»,- ասվում է գրառման մեջ։
Հիշեցնենք, որ ԵՄ դիվանագիտության ղեկավար Կայա Կալլասն այսօր հայտարարել էր, թե Միացյալ Նահանգները տարհանել է իր դեսպանատունը Կիևից՝ Ռուսաստանի նախազգուշացումից հետո, սակայն Ուկրաինայի արտաքին գործերի նախարարությունը հերքել է այդ պնդումները։ Այնուհետև ԵՄ արտաքին քաղաքական գերատեսչության կայքը հրապարակել էր Կալլասի մամուլի ասուլիսի սղագրությունը՝ Կիպրոսում Եվրոպայի արտաքին գործերի նախարարների ոչ պաշտոնական հանդիպմանը ժամանելուց հետո։
Սղագրության մեջ ԱՄՆ դեսպանատան տարհանման վերաբերյալ Կալլասի պատասխանը հեռացվել է։ Պատասխանի վերջում ծանոթագրությունում նշվում է, որ հարցի պատասխանը հրապարակվել է Կիևում դիվանագիտական առաքելության վերաբերյալ ուղղումով։
Թարգմանությունը՝ Էմմա Չոբանյանի
