06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Գարեգին Բ-ն Հանրապետության տոնի առթիվ այցելել է Սարդարապատի հուշահամալիր
28.05.2026 | 13:54
Հանրապետության տոնի առիթով Գարեգին Բ-ի հանդիսապետությամբ Մայր Աթոռ Սուրբ Էջմիածնում կատարվել է Հանրապետական մաղթանք՝ Հայաստանի խաղաղության, անվտանգության և անսասանության համար։ Այնուհետև Ամենայն Հայոց Կաթողիկոսը միաբանների ուղեկցությամբ այցելել է Սարդարապատի հուշահամալիր, որտեղ աղոթք է հնչեցվել մայիսյան հերոսամարտերում նահատակվածների հիշատակի համար։
«Մայիսի 28-ին, Հանրապետության տոնի առիթով Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հանդիսապետությամբ, Միածնաէջ Մայր Տաճարում կատարվեց Հանրապետական մաղթանք:
Հոգևորականաց դասը և ներկա ժողովուրդն աղոթք բարձրացրեցին առ Աստված Հայաստանի Հանրապետության անսասանության, խաղաղ ու անվտանգ կյանքի համար:
Նույն օրը Նորին Սրբություն Գարեգին Երկրորդ Ամենայն Հայոց Կաթողիկոսը Մայր Աթոռ Սուրբ Էջմիածնի միաբանների ուղեկցությամբ այցելեց Սարդարապատի հուշահամալիր։
Հուշակոթողի առջև ծաղկեպսակ զետեղելուց հետո հոգևորականաց դասը Հայոց Հայրապետի գլխավորությամբ աղոթք բարձրացրեցին առ Աստված՝ մայիսյան հերոսամարտերում նահատակված քաջարի հայորդիների հոգիների հանգստության համար»,- ասված է հաղորդագրությունում։
