«Սանթոսի» հարձակվող Նեյմարն անձնական ուղղաթիռով է ժամանել Բրազիլի հավաքականի մարզաբազա։
34-ամյա ֆուտբոլիստը գրկախառնվել է ազգային թիմի գլխավոր մարզիչ Կառլո Անչելոտիի ու թիմակիցների հետ։
Բրազիլացիները սկսել են պատրաստվել հունիսի 11-ից հուլիսի 19-ին ԱՄՆ-ում, Կանադայում և Մեքսիկայում կայանալիք ԱԱ-2026-ին, որի խմբային փուլում կմրցեն Մարոկկոյի, Շոտլանդիայի և Հայիթիի հավաքականների հետ։
Նեյմարը նախորդ անգամ Բրազիլի հավաքականի կազմում խաղացել է 2023 թ․ հոկտեմբերին։ Նա 79 գոլով ազգային թիմի պատմության լավագույն ռմբարկուն է։
