21.06.2026 | 17:14
Իրանը ներկայացրել է իր ակնկալիքները ԱՄՆ-ի հետ Շվեյացարիայում կայանալիք բանակցություններից
Էրդողանը ձգտում է հաջորդ ամիս Լոս Անջելեսում Թրամփի հետ անձնական հանդիպում կազմակերպել․ Bloomberg
Քաղաքականություն
28.05.2026 | 19:14
Թուրքիայի նախագահ Ռեջեփ Թայիփ Էրդողանն աշխատում է հաջորդ ամիս Լոս Անջելեսում ԱՄՆ նախագահ Դոնալդ Թրամփի հետ անձնական հանդիպում կազմակերպելու ուղղությամբ, որը կհամընկնի ֆուտբոլի աշխարհի առաջնության շրջանակում Թուրքիայի և ԱՄՆ-ի միջև խաղի հետ։ Այս մասին Bloomberg-ին հայտնել է իրազեկ աղբյուրները, գրում է Turkiye today-ը։
Հավանական հանդիպումը կարող է տեղի ունենալ Անկարայում կայանալիք ՆԱՏՕ-ի գագաթնաժողովից երկու շաբաթից էլ պակաս ժամանակ առաջ, որը մեծացնում է խաղադրույքները, քանի որ Վաշինգտոնն ազդանշան է տալիս, որ կարող է է՛լ ավելի նվազեցնել իր դերը ռազմական դաշինքի եվրոպական գործողություններին աջակցելու գործում։
2026 թվականի ՖԻՖԱ-ի աշխարհի առաջնությունը, որը համատեղ կազմակերպվում է Միացյալ Նահանգների, Կանադայի և Մեքսիկայի կողմից, արդեն դարձել է միջազգային դիվանագիտության անսպասելի վայր, որտեղ համաշխարհային առաջնորդները մրցաշարի ժամանակացույցը դիտարկում են որպես երկկողմ շփումների հնարավորություն համաշխարհային մարզական միջոցառման ընթացքում։ Նշվում է, որ Թուրքիայի և Միացյալ Նահանգների միջև խաղը բնական հնարավորություն կտար Էրդողանին հանդիպում խնդրել Թրամփի հետ։
Թրամփ-Էրդողան հնարավոր հանդիպման ժամկետը երկու առաջնորդներին հնարավորություն կտա համաձայնության գալ Անկարայի գագաթնաժողովից առաջ, որտեղ, ինչպես սպասվում է, օրակարգում կգերակշռի ՆԱՏՕ-ի հանդեպ ԱՄՆ-ի ապագա պարտավորությունների հարցը։
Աճող նշանները, որ Թրամփի վարչակազմը մտադիր է նվազեցնել Վաշինգտոնի ավանդական դերը Դաշինքում, անհանգստացրել են եվրոպական անդամ պետություններին և հարցեր են առաջացրել գագաթնաժողովի արդյունքների վերաբերյալ։ Երկու առաջնորդները պահպանել են զգալիորեն ավելի ջերմ հարաբերություններ, քան Էրդողանն ուներ ԱՄՆ նախորդ վարչակազմերի հետ, որոնք հիմնականում հիմնված են անմիջական անձնական շփումների և երկկողմ համաձայնագրերի կնքման ընդհանուր նախապատվության վրա՝ բազմակողմ շրջանակների փոխարեն։
Թարգմանությունը՝ Էմմա Չոբանյանի
