Տեսանյութեր
28.05.2026 | 12:34Հանրապետության օրվան նվիրված զորահանդեսի ժամանակ Հրապարակում ցուցադրվել են Զինված ուժերի բոլորովին վերջերս կազմավորված անօդաչու թռչող սարքերի զորքերի ստորաբաժանումները՝ զորքերի պետ, արիության մեդալակիր գնդապետ Կորյուն Փիլիպոսյանի գլխավորությամբ։
Առանձին ներկայացվել են ԱԹՍ-ների տեսակները, այդ թվում հայկական արտադրության։
Անօդաչու թռչող սարք՝ «Կայծակ» սարքը նախատեսված է շարժական և անշարժ նշանակետերի խոցման համար։ Ունակ է թիրախներ խոցել մինչև 17 կիլոմետր խորությամբ։
Ներկայացվել է հայկական արտադրության «Աերոդինամիքս» ընկերության «Մեղու-5» անօդաչու թռչող սարքը։
«Մեղու-5»-ը նախատեսված է պայմանական հակառակորդի զրահապատ տեխնիկայի և կենդանի ուժի ոչնչացման համար։ Կարող է թռչել 90 կիլոմետր ժամ արագությամբ։ Ունակ է խնդիր կատարել 40 կիլոմետր շառավղով։ Միջոցը համալրված է արհեստական բանականության տարրերով, որոնք նախադրյալներ են ստեղծում պայմանական մարտադաշտում արագ կողմնորոշվելու և նշանակետերն արդյունավետ խոցելու համար։
Համակարգի կազմում կարող է օգտագործվել վերահաղորդման կայան, ինչը հնարավորություն է տալիս խնդիրները կատարել առավելագույն արդյունավետությամբ և շահագործող անձնակազմի կորստի նվազագույն ռիսկով։
Մանրամասները՝ տեսանյութում։
