23.10.2026 | 23:15
«Մանկական Եվրատեսիլ»-ի քվեարկության առաջին փուլը կմեկնարկի այս գիշեր
Հրազդանում շենքի բակն ամբողջությամբ ողողվել է ջրով․ փրկարարները քաղաքացիների են օգնել դուրս գալ
Տեսանյութեր
27.05.2026 | 17:51
Ներքին գործերի նախարարության փրկարար ծառայություն-ը հայտնում է, որ մայիսի 27-ին Հրազդանի Միկրոշրջան թաղամասի շենքերից մեկի հարակից տարածքը ողողվել է ջրով, ինչի հետևանքով բնակիչները չեն կարողացել դուրս գալ շենքից։ Դեպքի վայր ժամանած փրկարարները քաղաքացիներին դուրս են բերել և իրականացրել ջրահեռացման աշխատանքներ՝ աջակցելով նաև ՏԻՄ աշխատակիցներին։
«Փրկարարներն օգնել են քաղաքացիներին և ջրահեռացման աշխատանքներ իրականացրել (ՏԵՍԱՆՅՈՒԹ)
Մայիսի 27-ին՝ ժամը 10:15-ին, ՆԳՆ 112 օպերատիվ կառավարման կենտրոն ահազանգ է ստացվել, որ Հրազդանի Միկրոշրջան թաղամասի շենքերից մեկի հարակից տարածքը ամբողջությամբ ողողվել է ջրով, ինչի հետևանքով քաղաքացիները չեն կարողանում շենքից դուրս գալ։
Նշված վայր են մեկնել ՆԳՆ Փրկարար ծառայության մարզային փրկարարական վարչության հրշեջ-փրկարարական ջոկատից մեկ մարտական հաշվարկ և օպերատիվ խումբ։
Քաղաքացիները փրկարարների օգնությամբ շենքից դուրս են բերվել։ Փրկարարները ջրահեռացման աշխատանքների ընթացքում աջակցել են նաև ՏԻՄ աշխատակիցներին»,- ասված է հաղրդագրությունում։
