26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Իրանը հայտարարում է, որ ԱՄՆ-ի հետ համաձայնագրի նախագծով Հորմուզի նեղուցը կբացվի, ծովային շրջափակումը կվերացվի
Քաղաքականություն
27.05.2026 | 19:51
Իրանի պետական հեռուստատեսությունը հայտնել է, որ Թեհրանը ստացել է Միացյալ Նահանգների հետ հակամարտությանը վերջ դնելու վերաբերյալ փոխըմբռնման հուշագրի նախնական, ոչ պաշտոնական շրջանակի նախագիծը, գրում է Reuters-ը։
Դրա համաձայն՝ Իրանը մեկ ամսվա ընթացքում պետք է վերականգնի Հորմուզի նեղուցով առևտրային նավագնացությունը՝ հասցնելով այն նախապատերազմյան մակարդակին, մինչդեռ Միացյալ Նահանգները կհեռացնի իր ռազմական ուժերը Իրանի շրջակայքից և կվերացնի ռազմածովային շրջափակումը։
Պետական հեռուստատեսության հաղորդմամբ՝ համաձայնագիրը, որը բացառում է ռազմական նավերը և նախատեսում, որ Իրանը կկառավարի նավերի երթևեկությունը նեղուցով Օմանի հետ համագործակցությամբ, դեռևս վերջնականապես չի մշակվել։
Նշվում է նաև, որ եթե կողմերը վերջնական համաձայնության հասնեն 60 օրվա ընթացքում, այն կարող է հաստատվել որպես ՄԱԿ-ի Անվտանգության խորհրդի պարտադիր բանաձև։
ԱՄՆ-Իրան փոխըմբռնման հուշագիրը ծագել է փետրվարին սկսված պատերազմից հետո սկսված անուղղակի բանակցությունների արդյունքում, որտեղ Պակիստանը կենտրոնական միջնորդական դեր է խաղում Թեհրանի և Վաշինգտոնի միջև։
ԱՄՆ-ից դեռևս որևէ մեկնաբանություն չի եղել իրանական կողմի հաղորդման վերաբերյալ։
Թարգմանությունը՝ Էմմա Չոբանյանի
