06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Իսրայելի հարվածների հետևանքով Լիբանանում 31 մարդ է զոհվել, 40-ը՝ վիրավորվել
Քաղաքականություն
27.05.2026 | 11:51
Լիբանանի Առողջապահության նախարարությունը հայտարարել է, որ Իսրայելի օդային հարվածների հետևանքով զոհվել է 31, վիրավորվել՝ 40 մարդ, ինչը Լիբանանում ապրիլին հրադադարի ուժի մեջ մտնելուց ի վեր ամենամահաբեր օրերից մեկն է, գրում է CNN-ը։
Նախարարությունը նշել է, որ զոհվածների և վիրավորների թվում կան երեխաներ և կանայք, նաև մեղադրել Իսրայելին հարավային Լիբանանի տարբեր վայրերում «կոտորածներ» իրականացնելու մեջ։
Այսօր ավելի վաղ իսրայելական ուժերը հայտարարել էին, որ «շարունակում են հարվածել «Հըզբոլլահ»-ի ահաբեկիչներին և ենթակառուցվածքներին Լիբանանի հարավում»։ Ըստ իսրայելական կողմի՝ իրենց զորքերը «ոչնչացրել են «Հըզբոլլահ»-ի ահաբեկիչներին, որոնք ներգրավված էին Իսրայելի բանակի զինվորների դեմ հարձակումներում», նաև հարվածել հրթիռներ արձակելու համար օգտագործվող ենթակառուցվածքներին։
Լիբանանի իշխանությունները պնդում են, որ մարտի 2-ից, երբ «Հըզբոլլահ»-ը Լիբանանը ներքաշել է Մերձավոր Արևելքի պատերազմի մեջ՝ հարձակվելով Իսրայելի վրա, Իսրայելի հարվածների հետևանքով զոհվել է ավելի քան 3100 մարդ։
Թարգմանությունը՝ Էմմա Չոբանյանի
