26.05.2026 | 21:15
«Արտահոսած փաստաթղթեր» առանց ապացույցների․ ո՞վ է կանգնած Хроника Кавказа-ի հետևում և ինչպե՞ս այն տարածվեց Հայաստանում
Շաբաթների ընթացքում TRIPP-ի նախագիծը կստորագրվի. Արարատ Միրզոյան․ ՏԵՍԱՆՅՈՒԹ
Քաղաքականություն
26.05.2026 | 20:13
Հայաստանի և Միացյալ Նահանգների միջև TRIPP նախագծի վերաբերյալ փաստաթուղթը վերջնականապես կստորագրվի առաջիկա շաբաթների ընթացքում: Այս մասին մամուլի ասուլիսի ժամանակ հայտարարեց ՀՀ ԱԳ նախարար Արարատ Միրզոյանը։
Խոսելով նախագծի մասին՝ նա նշեց, որ արդեն իսկ կա միջպետական համաձայնագրի նախաստորագրում, որը շատ արագ կվերածվի վերջնական փաստաթղթի.
«Տեքստն արդեն ամբողջությամբ համաձայնեցված է, քաղաքական ընկալում և համաձայնություններ կան, բայց տեխնիկական ընթացակարգեր կան, որոնք պետք է երկրներում անցնեն: Կարծում եմ, որ շաբաթների ընթացքում մենք կունենանք ստորագրում»։
Նախարարն ընդգծեց, որ թեև աշխարհաքաղաքական և տարածաշրջանային իրավիճակը բարդ է, կողմերը հետևողականորեն առաջ են մղում գործընթացը.
«Ե՛վ Միացյալ Նահանգների կառավարությունը, և՛ Հայաստանի Հանրապետության կառավարությունը նույնիսկ այս ողջ աշխարհաքաղաքական և տարածաշրջանային… քաոսի պայմաններում շատ կենտրոնացված և կարևորություն հաղորդելով աշխատում են այս թեմայի, TRIPP-ի կենսագործման ուղղությամբ»։
Ավելի վաղ տեղեկացրել էինք, որ ՀՀ-ն և ԱՄՆ-ն TRIPP-ի ու հազվագյուտ օգտակար հանածոների վերաբերյալ փաստաթղթեր են ստորագրել։
Մանրամասները՝ տեսանյութում։
