21.06.2026 | 17:14
Իրանը ներկայացրել է իր ակնկալիքները ԱՄՆ-ի հետ Շվեյացարիայում կայանալիք բանակցություններից
Լավրովն ու Ռուբիոն հեռախոսազրույց են ունեցել
Քաղաքականություն
25.05.2026 | 22:28
Ռուսաստանի արտաքին գործերի նախարար Սերգեյ Լավրովը հեռախոսազրույց է ունեցել ԱՄՆ պետքարտուղար Մարկո Ռուբիոյի հետ։ Այս մասին հայտնել է Ռուսաստանի ԱԳՆ-ն։
Ռուսական կողմի փոխանցմամբ՝ Լավրովը, ՌԴ նախագահ Վլադիմիր Պուտինի հանձնարարությամբ, ամերիկյան կողմին տեղեկացրել է, որ Ռուսաստանը, ի պատասխան Ուկրաինայի կողմից Ռուսաստանի տարածքում խաղաղ բնակչության և քաղաքացիական օբյեկտների դեմ շարունակվող «ահաբեկչական հարձակումների», սկսում է համակարգային և հետևողական հարվածներ հասցնել Կիևում գտնվող այն օբյեկտներին, որոնք օգտագործվում են Ուկրաինայի զինված ուժերի կարիքների համար, ինչպես նաև որոշումների ընդունման կենտրոններին։
Լավրովը նաև ուշադրություն է հրավիրել ՌԴ ԱԳՆ-ի մայիսի 25-ի հայտարարության վրա, որով ԱՄՆ-ին և Կիևում ներկայացված այլ պետություններին առաջարկվել է ապահովել իրենց դիվանագիտական անձնակազմի և քաղաքացիների տարհանումը Ուկրաինայի մայրաքաղաքից։
Ըստ ՌԴ ԱԳՆ-ի՝ Լավրովը հիշեցրել է նաև 2025 թվականի օգոստոսին ԱՄՆ նախաձեռնությամբ Անքորիջում ձեռք բերված պայմանավորվածությունների մասին՝ կապված ուկրաինական հակամարտության կարգավորման հետ։ Նրա ձևակերպմամբ՝ եվրոպական էլիտաների և Կիևի գործողությունները խաթարում են այդ պայմանավորվածությունները, որոնք կարող էին հիմք դառնալ երկարաժամկետ կայուն կարգավորման համար։
«Կողմերը քննարկել են նաև Հորմուզի նեղուցի շուրջ ստեղծված իրավիճակը և Կուբայի հետ կապված հարցեր։
Լավրովն ու Ռուբիոն վերահաստատել են, որ, չնայած առկա տարաձայնություններին, պատրաստ են ակտիվացնել աշխատանքը՝ Ռուսաստանի և ԱՄՆ-ի դիվանագիտական ներկայացուցչությունների գործունեության պայմանների կարգավորման ուղղությամբ»,- ասված է հաղորդագրությունում։
Հիշեցնենք ՀՀ ԱԳՆ-ն այսօր տեղեկացրել է, որ վաղը ԱՄՆ պետքարտուղարը կայցելի Հայաստան` նշելով, որ ստորագրվելու են փաստաթղթեր՝ չմանրամասնելով ոլորտները։
