25.05.2026 | 16:27
Թուրքը իմ տան շեմին էր Հադրութից դուրս գալիս, բայց չի սպանել ինձ. ես մեղք ունե՞մ. Քարամյան․ ՏԵՍԱՆՅՈՒԹ
Չեխիայում ձերբակալվել է ռուսական եկեղեցու մետրոպոլիտ Իլարիոնը. նրա մեքենայում սպիտակ նյութ պարունակող չորս տարա են գտել
Քաղաքականություն
25.05.2026 | 15:52
Չեխիայի իշխանությունները ձերբակալել են Ռուս ուղղափառ եկեղեցու մետրոպոլիտ Իլարիոնին։ Նրան ձերբակալել են մայիսի 24-ին Կարլովի Վարիում։ Նրա Telegram ալիքում արված գրառման մեջ նշվում է, որ ոստիկանությունը կանգնեցրել է մետրոպոլիտին և նրան ուղեկցող օպերատորին տեղափոխող մեքենան և «անմիջապես սկսել է խուզարկել այն», որի ընթացքում բեռնախցիկում հայտնաբերել են սպիտակ նյութ պարունակող չորս փոքր տարաներ, գրում է Current time-ը։
«Մետրոպոլիտ Իլարիոնը կտրականապես հերքում է արգելված նյութերի ապօրինի պահպանմանը որևէ մասնակցություն և միջադեպը համարում է սադրանք»,- ասվում է գրառման մեջ։
Հոգևորականի փաստաբանը նշել է, որ մեքենան կանգնեցնելու և խուզարկության հանգամանքները «լուրջ հարցեր են առաջացնում»: Ըստ նրա՝ ոստիկանները հետաքրքրված էին միայն բեռնախցիկի պարունակությամբ, իսկ մետրոպոլիտին թույլ չեն տվել ներկա գտնվել խուզարկության ժամանակ։
«Մեր ունեցած տեղեկությունների համաձայն՝ ճանապարհային երթևեկության կանոնների խախտումների մասին որևէ հաղորդում չի ներկայացվել: Ամենայն հավանականությամբ, հրամանը հենց մեքենան խուզարկելն է եղել: Ոստիկանությունն անմիջապես ուղղվել է դեպի բեռնախցիկ՝ կարծես արդեն գիտեին, թե որտեղ փնտրել»,- ասել է պաշտպանը։
Telegram-ում գրառման մեջ պնդում կա, թե Իլարիոնը և Կարլովի Վարիի ուղղափառ համայնքը նախկինում ենթարկվել են շարունակական ճնշման Չեխիայում, և որ քահանան ինքը ստացել է անանուն սպառնալիքներ, որոնցում պահանջվել է լքել ծառայության վայրը։
Չեխիայի ոստիկանությունն ու իշխանությունները դեռևս չեն մեկնաբանել Ռուս ուղղափառ եկեղեցու ներկայացուցչի ձերբակալության մասին տեղեկությունը։
Մետրոպոլիտ Իլարիոնը նախկինում երկար տարիներ ղեկավարել է Մոսկվայի պատրիարքարանի արտաքին հարաբերությունների բաժինը և համարվում էր պատրիարք Կիրիլի հավանական իրավահաջորդը: 2024 թվականին Ռուս Ուղղափառ եկեղեցու Սուրբ Սինոդը նախ Իլարիոնին ազատել էր բոլոր պաշտոններից, ապա հանգստի ուղարկել։ Այնուհետև նա Հունգարիայում ծառայությունից տեղափոխվել էր Չեխիա:
Թարգմանությունը՝ Էմմա Չոբանյանի
