06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Բրունու Ֆերնանդեշը ճանաչվել է Պրեմիեր լիգայի լավագույն ֆուտբոլիստ ու սահմանել ասիստների ռեկորդ․ ՏԵՍԱՆՅՈՒԹ
25.05.2026 | 14:40
«Մանչեսթեր Յունայթեդի» պորտուգալացի կիսապաշտպան Բրունու Ֆերնանդեշը սահմանել է Անգլիայի Պրեմիեր լիգայի մեկ մրցաշրջանի ռեկորդ գոլային փոխանցումների ցուցանիշով, հաղորդում է առաջնության մամուլի ծառայությունը։
«Բրայթոնի» դեմ վերջին տուրի խաղում (3:0) 31-ամյա ֆուտբոլիստը 21-րդ գոլային փոխանցումն է կատարել Անգլիայի այս առաջնությունում։
Պրեմիեր լիգայի մեկ մրցաշրջանի գոլային փոխանցումների նախորդ ռեկորդը 20 ասիստ էր։ Ռեկորդը 2002/2003 մրցաշրրջանում սահմանել էր Լոնդոնի «Արսենալի» լեգենդար հարձակվող Թիերի Անրին, իսկ 2019/2020 խաղաշրջանում այն կրկնել էր «Մանչեսթեր Սիթիի» նախկին կիսապաշտապան Կևին Դե Բրունեն։
Բրունու Ֆերնանդեշը նաև ճանաչվել է Անգլիայի առաջնության լավագույն ֆուտբոլիստ։ Քվեարկության արդյունքում նա առաջ է անցել Գաբրիել Մագալյանսից («Արսենալ»), Մորգան Գիբս-Ուայթից («Նոթինգեմ Ֆորեսթ»), Էրլինգ Հոլանդից («Մանչեսթեր Սիթի»), Դավիդ Ռայայից («Արսենալ»), Դեքլան Ռայսից («Արսենալ»), Անտուան Սեմենյոյից («Մանչեսթեր Սիթի») և Իգոր Տիագոյից («Բրենթֆորդ»)։
Պրեմիեր լիգայի ավարտված մրցաշրջանում պորտուգալացին մասնակցել է 34 խաղի ու խփել նաև 8 գոլ։
