«Կրասնոդարի» և Հայաստանի ազգային հավաքականի ավագ Էդուարդ Սպերցյանը Ռուսաստանի գավաթի խաղարկության սուպերեզրափակիչում Մոսկվայի «Սպարտակից» կրած պարտությունից հետո չի բացառել, որ կարող է փոխել ակումբը։ Այդ խաղում «Կրասնոդարը» պարտվել է հետխաղային 11-մետրանոցներով։ Հարվածաշարի ժամանակ կրասնոդարցիների առաջին հարվածը դիպուկ է իրացրել Սպերցյանը։
«Ամեն բան հնարավոր է։ Հնարավոր է՝ սա իմ վերջին հանդիպումն էր «Կրասնոդարի» կազմում։
Ստացվեց ինտենսիվ հանդիպում։ 11-մետրանոց հարվածաշարը վիճակախաղ է։ Խաղից հետո կա տխրություն»,- 25-ամյա կիսապաշտպանի խոսքը մեջբերում է Championat.com-ը։
Այս մրցաշրջանում Էդուարդ Սպերցյանը 41 հանդիպման է մասնակցել Ռուսաստանի առաջնությունում ու գավաթում, դարձել է 14 գոլի ու 17 գոլային փոխանցման հեղինակ։ Երկու մրցաշարերում էլ «Կրասնոդարը» գրավել է երկրորդ տեղը։
