Ո՞վ է ստում. Պապոյան-Քոչարյան հեռակա բանավեճ

Էկոնոմիկայի նախարար Գևորգ Պապոյանը երեկ Factor TV-ի հետ զրույցում, անդրադառնալով Լարսի անցակետում առաջացած հերթերին, հայտարարել էր, որ դա պայմանավորված է մի շարք գործոններով՝ Հայաստանի և Ռուսաստանի միջև ապրանքաշրջանառության ու զբոսաշրջային հոսքերի աճով, ինչպես նաև ՌԴ-ում կիրառվող որոշ խստացումներով։ Պապոյանը նաև քաղաքական ենթատեքստ էր տեսել ստեղծված իրավիճակում:

«Կան ընդդիմադիր ուժեր, որոնք, օրինակ, Քոչարյան Ռոբերտը, էնպես ա արտահայտվում ցանկացած պրոբլեմի ժամանակ, էնպիսի մեծ երջանկություն է գալիս իր դեմքին ցանկացած լուրի ժամանակ, երբ որ իմանում է, որ մեր հայ արտադրողները, հայ արտահանողները որևէ խնդիր են ունենում Լարսում: Եվ ես ենթադրում եմ և ունեմ շատ որոշակի հիմնավոր կասկածներ, որ նրանք որոշակի շրջանակներում փորձում են էնպես անել, որ մեր հայ արտադրողների համար խնդիրներ առաջանան Ռուսաստանի Դաշնությունում»,- ասել էր Պապոյանը։

Factor TV-ն այսօր Պապոյանի ասածի վերաբերյալ մեկնաբանություն խնդրեց Ռոբերտ Քոչարյանի որդուց` «Հայաստան» դաշինքի ընտրական ցուցակի 10-րդ համար Լևոն Քոչարյանից:

«Եթե Հայաստանում ինչ-որ մեկը պետք է կարողանա այնպես անել, որ մեր ռազմավարական գործընկերն ըստ դրա ինչ-որ գործողություններ անի, ոչ թե ըստ նրա, ինչ հիմիկվա գործող իշխանությունն է, էլ ում է պետք նման իշխանությունը: Իսկ մյուս մասով, իհարկե, սուտ է ասում, ստում է, ինչպես ստում են շատ ուրիշ հարցերում»,- ասաց Լևոն Քոչարյանը:

Մանրամասները` տեսանյութում:
Արփի Հակոբյան