22.05.2026 | 22:00
Իշխանությունը հերքում է, ընդդիմությունը՝ պնդում. «300 հազար ադրբեջանցիների» թեման և նախընտրական քարոզարշավը․ ՏԵՍԱՆՅՈՒԹ
Ազդանշան է առաջնահերթությունների մասին. Օվերչուկը` ԵՏՄ գագաթնաժողովին Փաշինյանի չմասնակցելու մասին
Քաղաքականություն
22.05.2026 | 18:19
Հայաստանի վարչապետ Նիկոլ Փաշինյանի՝ Աստանայում կայանալիք ԵՏՄ գագաթնաժողովին չմասնակցելու որոշումը խոսում է այն մասին, թե ինչպես է նա սահմանում իր առաջնահերթությունները։ Այս մասին հայտարարել է Ռուսաստանի փոխվարչապետ Ալեքսեյ Օվերչուկը։
«Այն, որ նա այնտեղ չի լինի, արդեն իսկ հստակ ազդանշան է, թե ինչպես է սահմանում իր առաջնահերթությունները։ Ակնհայտ է, որ այս հարցերը (Եվրամիությանը Հայաստանի միանալու ծրագրերի վերաբերյալ՝ հաշվի առնելով Եվրասիական տնտեսական միությանը անդամակցությունը) կբարձրացվեն և կքննարկվեն։ Ի՞նչ ձևով է Փաշինյանը գագաթնաժողովին մասնակցելու։ Եթե նա հայտնվի հեռուստացույցով, ավելի լավ կլինի, քան եթե նա չլինի»,- ասել է ՌԴ փոխվարչապետը։
Նիկոլ Փաշինյանն ավելի վաղ հայտարարել էր, որ չի մասնակցելու մայիսի 28-ին Աստանայում կայանալիք ԵՏՄ ղեկավարների նիստին։ Նրա խոսքով՝ դեռևս ապրիլի 1-ին ՌԴ նախագահ Վլադիմիր Պուտինի հետ հանդիպման ընթացքում տեղեկացրել է, որ քարոզարշավի պատճառով չի կարողանալու մասնակցել ինչպես մայիսի 9-ի միջոցառումներին Մոսկվայում, այնպես էլ մայիսի 28-ի նիստին՝ Աստանայում։
Բացի այդ, ըստ Օվերչուկի՝ Երևանը պետք է որքան հնարավոր է՝ արագ որոշում կայացնի Եվրոպական միության (ԵՄ) և Եվրասիական տնտեսական միության (ԵՏՄ) միջև։
«Հաշվի առնելով այսօր Հայաստանում ընդունված հայտարարություններն ու օրենսդրությունը, մենք ճիշտ կհամարեինք, որ Հայաստանը ընտրությունը կատարի ԵՏՄ-ի և ԵՄ-ի միջև։ Ոչ ոք դուրս չի մղում Հայաստանին ԵՏՄ-ից. նրանք պարզապես ասում են, որ ուզում են միանալ ԵՄ-ին: Նրանք պետք է որոշում կայացնեն: Որքան շուտ դա արվի, այնքան լավ կլինի բոլորի համար»,- հավելել է Օվերչուկը։
Թարգմանությունը՝ Էմմա Չոբանյանի
