06.11.2026 | 19:13
Տեղի է ունեցել Հայաստանի և Վրաստանի պետական սահմանի սահմանազատման և սահմանագծման հանձնաժողովների միջև հանդիպումը
Հենրիխ Մխիթարյանի նախկին թիմակիցը կշարունակի գլխավորել «Մանչեսթեր Յունայթեդը»
22.05.2026 | 16:15
Անգլիացի մասնագետ Մայքլ Կերիկը կշարունակի աշխատանքը «Մանչեսթեր Յունայթեդի» գլխավոր մարզիչի պաշտոնում, հաղորդում է անգլիական ակումբի մամուլի ծառայությունը։
Կողմերը կնքել են երկու տարվա պայմանագիր, որն ունի ևս մեկ մրցաշրջանով երկարաձգելու հնարավորություն։
44-ամյա մասնագետը այս տարվա հունվարին էր գլխավորել «Մանչեսթեր Յունայթեդը»՝ փոխարինելով պորտուգալացի Ռուբեն Ամորիմին։ Կերիկի գլխավորությամբ մանչեսթերցիներն անցկացրել են 16 հանդիպում, տարել 11 հաղթանակ, գրանցել 2 պարտություն ու 3 ոչ-ոքի։ Անգլիայի 20-ակի չեմպիոնը Պրեմիեր լիգայում մրցաշրջանը կավարտի երրորդ տեղում։
Ֆուտբոլային կարիերայի ընթացքում Մայքլ Կերիկը 2006-2018թթ․ խաղացել է «Մանչեսթեր Յունայթեդում», որտեղ եղել է Հայաստանի հավաքականի նախկին ավագ Հենրիխ Մխիթարյանի թիմակիցը։ Կարիերան ավարտելուց հետո Անգլիայի հավաքականի նախկին կիսապաշտպանը մնացել է մանչեսթերյան ակումբում ու սկսել մարզչական աշխատանք։ 2022–2025թթ․ նա գլխավորել է անգլիական «Միդլսբրոն»։
