22.05.2026 | 21:36
12-ամյա Լինա Հակոբյանը որոնվում է որպես անհետ կորած
Ալվարո Արբելոան հայտարարել է «Ռեալից» հեռանալու մասին
22.05.2026 | 14:16
Մադրիդի «Ռեալի» գլխավոր մարզիչ Ալվարո Արբելոան հայտարարել է, որ այս մրցաշրջանի ավարտին հեռանալու է զբաղեցրած պաշտոնից։
«Ես հաջորդ մրցաշրջանում չեմ մնա «Ռեալում»։ Չկա ոչ մի հնարավորություն, որ ես կաշխատեմ Մոուրինյուի հետ։ Նա ունի իր հիանալի մարզչական անձնակազմը։ Եթե նա գա, դա կանի իր մարդկանց հետ։
Ես այս չորս ամիսներն անցկացրի՝ մտածելով «Ռեալի» մասին։ Եկել է ժամանակը, որ մտածեմ իմ մասին։ Ես քայլ առաջ եմ կատարել և պատրաստ եմ նոր մարտահրավերների»,- ասուլիսի ընթացքում ասել է իսպանացի մասնագետը, հաղորդում է Marca-ն։
Հիշեցնենք, որ Ալվարո Արբելոան այս տարվա հունվարին է գլխավորել «Ռեալը»՝ փոխարինելով իսպանացի Խաբի Ալոնսոյին։ Ավելի վաղ լուրեր էին շրջանառվում, որ «Արքայական ակումբի» գլխավոր մարզիչի պաշտոնին է վերադառնալու պորտուգալացի Ժոզե Մոուրինյուն, որն այժմ աշխատում է Լիսաբոնի «Բենֆիկայում»։
