02.07.2026 | 13:49
Պարզ ճակատով եմ ավարտում այս փուլը, որևէ բանի համար չեմ փոշմանում. Ալեն Սիմոնյան․ ՏԵՍԱՆՅՈՒԹ
Ինչպես ԱԱԾ-ականների ուղեկցությամբ Անդրանիկ Թևանյանը եկավ իր բնակարան․ ՏԵՍԱՆՅՈՒԹ
Տեսանյութեր
22.05.2026 | 13:48
Ազգային անվտանգության ծառայության աշխատակիցները «Բարգավաճ Հայաստան» կուսակցության երկրորդ համար, «Մայր Հայաստան» կուսակցության ղեկավար Անդրանիկ Թևանյանին իր բնակարան են ուղեկցել։
Նախ տևական ժամանակ շքամուտքի դուռը չէր բացվում, ապա ԱԱԾ-ականների և լրագրողների ուղեկցությամբ նա բնակարան բարձրացավ։ Տեղում խուզարկություն էր կատարվում, իրավապահները թույլատրեցին միայն Թևանյանի մուտքը բնակարան։
Հիշեցնենք՝ առավոտյան հայտնի դարձավ, որ Երևանի «Մայր Հայաստանի» գրասենյակն իրավապահները խուզարկում են հարուցված պետական դավաճանության գործի շրջանակում, Թևանյանը նույնպես ներկա էր գործողություններին։
Ըստ ՔԿ-ի՝ ՀՀ քաղաքացի Ա.Թ.-ն, որը 2021 թվականի խորհրդարանական ընտրություններում աջակցել է «Հայաստան» դաշինքին և ընդգրկված եղել նույն դաշինքի համապետական ընտրական ցուցակում, 2024 թվականին հավաքագրվել է օտարերկրյա հատուկ ծառայությունների կողմից։ Քննության տվյալներով՝ Ա.Թ.-ն համագործակցել է «Ռուսսիա Կովկաս» աշխարհաքաղաքական կենտրոնի տնօրենի հետ, որը, ըստ իրավապահների, հանդիսացել է օտարերկրյա հատուկ ծառայությունների ներկայացուցիչ։
Վերջինիս հանձնարարությամբ, ըստ հաղորդման, նա զբաղվել է լրտեսությամբ և փոխանցել պետական գաղտնիք պարունակող տեղեկություններ։
Մանրամասները՝ տեսանյութում
