16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Էրդողանի հրամանագրով Ստամբուլի հայտնի համալսարաններից մեկը փակվել է
Քաղաքականություն
22.05.2026 | 13:24
Թուրքիայի նախագահ Թայիփ Էրդողանի հրամանագրով այսօր փակվել է Ստամբուլի Բիլգի համալսարանը, որը երկրի ամենամեծ բուհերից էր և երկրում հիմնադրված չորրորդ համալսարանը, գրում է Bianet-ը։
Հրամանագրում նշվում է, որ համալսարանի լիցենզիան չեղյալ է հայտարարվել «Բարձրագույն կրթության մասին» թիվ 2547 օրենքի լրացուցիչ 11-րդ հոդվածի համաձայն։ Այս դրույթը թույլ է տալիս Բարձրագույն կրթության խորհրդին (YÖK) փակել համալսարանը, եթե ուսումնական հաստատությունում կրթության որակը համարվում է անբավարար, և իրավիճակը շտկելու համար անհրաժեշտ առաջարկություններն ու նախազգուշացումները չեն իրականացվում։
Սեպտեմբերից ի վեր համալսարանը վերահսկող հիմնադրամը կառավարում է հոգաբարձուն՝ որպես «Can Holding»-ի առգրավման մաս Խնայողական ավանդների ապահովագրության հիմնադրամի (TMSF) կողմից։
Համալսարանը նախկինում հայտարարել էր, որ եթե այն փակվի, ուսանողները կշարունակեն իրենց ուսումը Միմար Սինանի անվան գեղարվեստի համալսարանում (MSGSÜ), որը 2021 թվականին նշանակվել է որպես երաշխավոր պետական համալսարան:
Թարգմանությունը՝ Էմմա Չոբանյանի
