16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ռոնալդուի դուբլն օգնել է «Ալ Նասրին» դառնալ Սաուդյան Արաբիայի չեմպիոն․ ՏԵՍԱՆՅՈՒԹ
22.05.2026 | 10:09
Ֆուտբոլի Սաուդյան Արաբիայի առաջնության վերջին տուրում «Ալ Նասրը» սեփական խաղադաշտում 4։1 հաշվով հաղթել է «Դամակին» ու նվաճել չեմպիոնի տիտղոսը։
Դաշտի տերերի կազմում դուբլի հեղինակ է դարձել պորտուգալացի հարձակվող Կրիշտիանու Ռոնալդուն, որը կարիերայում գոլերի թիվը հասցրել է 973-ի։ «Ալ Նասրից» աչքի են ընկել նաև սենեգալցի հարձակվող Սադիո Մանեն ու ֆրանսիացի կիսապաշտպան Քինգսլի Կոմանը։
«Ալ Նասրը» 34 խաղում վաստակել է 86 միավոր և 2 միավոր գերազանցել երկրորդ տեղը գրաված «Ալ Հիլյալին»։ Նախորդ անգամ թիմը երկրի չեմպիոն դարձել էր 2019 թվականին։
2023 թվականից «Ալ Նասրում» խաղացող 41-ամյա Ռոնալդուն նվաճել է կարիերայի 36-րդ տիտղոսը։ Ավարտված առաջնությունում «Ոսկե գնդակի» 5-ակի դափնեկիրը 30 խաղում դարձել է 28 գոլի ու 2 գոլային փոխանցման հեղինակ։ Ռմբարկուների ցուցակում նա 5 գոլ զիջել է մեքսիկացի Խուլիան Կինյոնեսին («Ալ Կադիսիա»), 4 գոլ՝ անգլիացի Այվան Թոնիին («Ալ Ահլի»)։
