17.08.2026 | 10:34
ՊԵԿ նախկին պաշտոնյայից պահանջվում է բռնագանձել անշարժ գույք, մեքենաներ և ավելի քան 194 մլն դրամ
Հոնդուրասում երկու զինված հարձակումների հետևանքով առնվազն 24 մարդ է զոհվել
Քաղաքականություն
22.05.2026 | 13:08
Հոնդուրասում տեղի ունեցած երկու զինված միջադեպերի հետևանքով զոհվել է առնվազն 24 մարդ, այդ թվում՝ չորս ոստիկան։ BBC-ի հաղորդմամբ՝ առաջին հարձակումը, ըստ տեղեկությունների, տեղի է ունեցել երկրի հյուսիսում գտնվող ագարակում, որտեղ առնվազն 19 աշխատող է սպանվել, հայտնել են իշխանությունները։
Երկրորդ միջադեպը տեղի է ունեցել Գվատեմալայի սահմանի մոտ գտնվող Օմոա ափամերձ քաղաքում, որտեղ զոհվել է առնվազն 4 ոստիկան, հայտնել է Ազգային ոստիկանության խոսնակ Էդգարդո Բարահոնան: Հաղորդվում է նաև, որ երկրորդ հարձակման ժամանակ զոհվել է 1 քաղաքացիական անձ:
Հարձակումներից հետո ոստիկանությունը հայտարարություն է տարածել, որում ասվում է, որ կարձագանքի «անմիջական միջամտությամբ» երկու տարածքներում էլ։
Ագարակում աշխատողների վրա հարձակման որևէ դրդապատճառ չի պարզվել։ Այնուամենայնիվ, Հոնդուրասի հյուսիսը տարիներ շարունակ եղել է գյուղատնտեսական հակամարտության վայր։
Ոստիկանությունը հայտնել է, որ մայրաքաղաք Տեգուսիգալպայից Օմոա ուղևորվելիս հարձակման ենթարկված ոստիկանները մասնակցել են ավազակախմբերի դեմ պայքարին։ Ոստիկանության խոսնակն ասել է, որ Տրուխիլոյի ֆերմայի վրա հարձակման զոհերի ընդհանուր թիվը մնում է անհայտ, քանի որ հարազատները սկսել են դուրս բերել զոհերի մարմինները։
Հոնդուրասը երկար ժամանակ տառապում է հանցագործության բարձր մակարդակից, որը պայմանավորված է լայնորեն տարածված խմբավորումների կողմից բռնությամբ և թմրանյութերի ապօրինի շրջանառությամբ։
Թարգմանությունը՝ Էմմա Չոբանյանի
