11.06.2026 | 22:34
Ո՞ւմ օգտին են փոխվում թվերը․ վաղը կավարտվի ընտրությունների արդյունքների վերահաշվարկը. ՏԵՍԱՆՅՈՒԹ
Երկու ԱԹՍ-ներ խախտել են Լիտվայի օդային տարածքը. Լատվիան երրորդ օրն անընդմեջ օդային տագնապ է հայտարարել
Քաղաքականություն
21.05.2026 | 20:51
Լիտվայի նախագահ Գիտանաս Նաուսեդան հայտարարել է, որ երկու անօդաչու թռչող սարքեր, հնարավոր է, խախտել են երկրի օդային տարածքը, գրում է Current time-ը։
«ՆԱՏՕ-ի կործանիչներն արդեն օդում են և պատրաստ են ոչնչացնել դրանք։ Խնդրում եմ ձեզ, պաշտոնական նախազգուշացումը ստանալուց հետո նախազգուշական միջոցներ ձեռնարկել և ապաստան փնտրել անվտանգ վայրում»,- նշել է նա։
Լիտվայի Ուտենա շրջանում հայտարարվել է օդային տագնապ՝ անօդաչու թռչող սարքի սպառնալիքի պատճառով: Բնակիչներին կոչ է արվել ապաստան գտնել և հետևել արտակարգ ծառայությունների աշխատանքին։
Բացի այդ, այսօր Լատվիայում երրորդ օրն անընդմեջ հայտարարվել է օդային հարձակման տագնապ։ Երկրի զինված ուժերը զգուշացրել են Լուձայի, Կրասլավայի և Ռեզեկնեի շրջաններում անօդաչու թռչող սարքերի հնարավոր սպառնալիքի մասին։ Այսօր առնվազն մեկ անօդաչու թռչող սարք է մտել երկիր։ Գնացքների երթևեկությունը դադարեցվել է Լատվիայի արևելքում՝ Բելառուս-Ռուսաստան սահմանի մոտ։
Լիտվայի արտաքին գործերի նախարարությունը հայտարարել է, որ ռուս զինծառայողները դիտավորյալ ուկրաինական անօդաչու սարքերը վերաուղղում են Բալթյան երկրներ՝ օգտագործելով ռադիոէլեկտրոնային պայքարի միջոցներ։
Թարգմանությունը՝ Էմմա Չոբանյանի
