03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
ՆԱԽԸՆՏՐԱԿԱՆ ԲԱՆԱՎԵՃ․Մոսկվա, թե Բրյուսել․ ՀՀ-ն՝ արտաքին քաղաքական խաչմերուկում
Քաղաքականություն
21.05.2026 | 21:00
ՀՀ-ն արդեն մեկ տարուց ավելի է՝ ընդունել է ԵՄ-ին անդամակցելու գործընթաց նախատեսող օրենք՝ միաժամանակ ԵՏՄ-ի և ՀԱՊԿ-ի դե յուրե անդամ է։ Կառավարությունը չի թաքցնում՝ ԵՄ-ին անդամակցելը վերջնանպատակ է՝ հստակեցնելով, որ վերջնական որոշումը կայացնելու են ԵՄ անդամ երկրները․ եթե ընդունեն՝ շատ լավ, թե մերժեն՝ հոգ չէ, ՀՀ-ն կլինի եվրոպական ստանդարտներով պետություն։ Իսկ ահա ՌԴ-ի իշխանությունն ամենաբարձր մակարդակով առաջարկում է հանրաքվե անցկացնել՝ ԵՄ կամ ԵՏՄ հարցադրմամբ։ Իշխող կուսակցությունն ասում է՝ հիմա հանրաքվեի պահը չէ․ հայ ժողովուրդն ընտրություն կկատարի, երբ ԵՏՄ-ում մնալն ու եվրաինտեգրումը կդառնան անհամատեղելի պրոցեսներ։
Ինչպիսի՞ն են պատկերացնում ԱԺ-ի ընտրություններին մասնակցող քաղաքական ուժերը՝ Հայաստանի արտաքին քաղաքականությունը․ միտված դեպի Արևմո՞ւտք, դեպի Ռուսաստա՞ն, դեպի ռեգիո՞ն, թե՞ հնարավոր է բոլոր գեոպոլիտիկ կենտրոնների հետ շահեր համադրել։ Արդյո՞ք հնարավոր է աշխարհաքաղաքական այսօրվա սուր պայքարի ժամանակներում պահպանել հավասարաակշռություն։
Factor TV-ում հրավիրել ենք բանավեճ, որին մասնակցում են Մարիա Կարապետյանը՝ ՔՊ կուսակցության պատգամավոր և պատգամավորի թեկնածու, Անահիտ Ադամյանը՝ «Հանրապետություն» կուսակցության պատգամավորի թեկնածու, Սուրեն Սուրենյանցը՝ «Բարգավաճ Հայաստան» կուսակցության պատգամավորի թեկնածու, Արթուր Դանիելյանը՝ «Ուժեղ Հայաստան» կուսակցության պատգամավորի թեկնածու, Հակոբ Կարապետյանը՝ «Նոր ուժ» կուսակցության պատգամավորի թեկնածու։
Հաղորդումն ամբողջությամբ՝ տեսանյութում։
Ռոբերտ Անանյան
