21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Մակրոնը Ալիևի հետ զրույցում վերահաստատել է Ֆրանսիայի աջակցությունը Հայաստանի և Ադրբեջանի միջև խաղաղության գործընթացին
Քաղաքականություն
21.05.2026 | 16:40
Ֆրանսիայի նախագահ Էմանուել Մակրոնը Մակրոնը հեռախոսազրույց է ունեցել Ադրբեջանի նախագահ Իլհամ Ալիևի հետ։ Այս մասին նա հայտնել է X-ի իր միկրոբլոգում գրառմամբ։
«Ես զրուցել եմ նախագահ Իլհամ Ալիևի հետ։ Ես վերահաստատեցի Ֆրանսիայի աջակցությունը Հայաստանի և Ադրբեջանի միջև խաղաղության գործընթացին և դրա շարունակական առաջընթացի կարևորությանը»,- նշել է Մակրոնը։
Նա տեղեկացրել է, որ քննարկել են նաև տարածաշրջանային հարցեր և երկկողմ հարաբերությունների զարգացման ներուժը։
Ադրբեջանական կողմի հաղորդագրության համաձայն՝ հեռախոսազրույցը նախաձեռնել է ֆրանսիական կողմը։
«Այսօր ես հեռախոսազանգ ստացա նախագահ Էմանուել Մակրոնից։ Զրույցի ընթացքում քննարկեցինք ադրբեջանա-ֆրանսիական երկկողմ հարաբերությունների օրակարգային հարցերը, մտքեր փոխանակեցինք փոխադարձ հետաքրքրություն ներկայացնող հարցերի շուրջ։ Մենք նաև քննարկեցինք տարածաշրջանային և համաշխարհային զարգացումները»,- X-ում գրել է Ալիևը։
Թարգմանությունը՝ Էմմա Չոբանյանի
