02.07.2026 | 15:01
Վրաստանում Կուլևիի վերամշակման գործարանն ամբողջությամբ կհրաժարվի ռուսական նավթից
Էրդողանն ու Թրամփը քննարկել են Իրանի հետ հրադադարը, Սիրիան և ՆԱՏՕ-ի գագաթնաժողովը
Քաղաքականություն
21.05.2026 | 12:57
Թուրքիայի նախագահ Ռեջեփ Թայիփ Էրդողանը ԱՄՆ նախագահ Դոնալդ Թրամփի հետ հեռախոսազրույցում քննարկել է երկկողմ, տարածաշրջանային և համաշխարհային հարցերի լայն շրջանակ։ Այս մասին հայտնում է Թուրքիայի նախագահականի հաղորդակցության վարչությունը, գրում է Turkiye today-ը։
Էրդողանն Իրանի հետ հրադադարի երկարաձգման որոշումը որակել է որպես «դրական զարգացում»՝ հավելելով, որ հավատում է՝ «վիճելի հարցերի ողջամիտ լուծումը հնարավոր է»։ Նա նշել է, որ Թուրքիան կշարունակի աջակցել տարածաշրջանում շարունակվող հակամարտությունների կարգավորման կառուցողական ջանքերին: Հայտարարության մեջ չի նշվում, թե որ կողմերն են ներգրավված հրադադարի համաձայնագրում, ինչպես նաև չեն տրամադրվել վիճելի հարցերի բնույթի վերաբերյալ լրացուցիչ մանրամասներ:
Թուրքիայի նախագահը շեշտել է, որ Սիրիայում կայունության ամրապնդումը «կարևոր ձեռքբերում կլինի ամբողջ տարածաշրջանի համար» և խոստացել, որ Անկարայի աջակցությունը Սիրիային կշարունակվի առանց ընդհատման։
Նա նաև մտահոգություն է հայտնել Լիբանանի վերաբերյալ՝ ընդգծելով այնտեղ պայմանների հետագա վատթարացումը կանխելու անհրաժեշտությունը։
Էրդողանը տեղեկացրել է Թրամփին, որ Անկարայում կայանալիք ՆԱՏՕ-ի գագաթնաժողովի նախապատրաստական աշխատանքները առաջընթաց են գրանցում, և որ ձեռնարկվում են առավելագույն ջանքեր, որ հավաքը բոլոր առումներով հաջողության հասնի։
Թարգմանությունը՝ Էմմա Չոբանյանի
