16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
«Ռոսսելխոզնադզորը» մայիսի 22-ից արգելել է ծաղիկների ներմուծումը Հայաստանից
Քաղաքականություն
21.05.2026 | 10:39
«Ռոսսելխոզնադզորը» մայիսի 22-ից ժամանակավոր սահմանափակումներ է մտցնում Հայաստանից ծաղիկների ներմուծման վրա, հայտարարել է ծառայությունը։ Արգելքն ուժի մեջ կմնա մինչև ջերմոցային տնտեսությունների ստուգումների ավարտը և արդյունքների վերլուծությունը։ Որոշումը կայացվել է Ռուսաստանի բուսասանիտարական անվտանգությունը և արտահանման ներուժը պաշտպանելու համար, գրում է Ինտերֆաքսը։
«Չնայած Հայաստանի Սննդամթերքի անվտանգության տեսչական մամրմնի կողմից տրված երաշխիքներին՝ ԵՏՄ-ի համար կարանտինի ենթակա ապրանքների հայտնաբերումը շարունակվում է։ Ներմուծված 96,2 միլիոն ծաղկային արտադրանքից գրանցվել է 135 դեպք։ Սա կազմում է ամբողջ 2025 թվականի հայտնաբերումների ընդհանուր թվի 77%-ը»,- ասվում է հայտարարության մեջ։
Անցյալ շաբաթ «Ռոսսելխոզնադզորը» ծառայության ղեկավար Սերգեյ Դանկվերտի և Հայաստանի սննդամթերքի անվտանգության տեսչական գործակալության ղեկավար Տիգրան Պետրոսյանի միջև բանակցություններից հետո հայտնել էր, որ նախատեսում է ստուգել Հայաստանում գործող բուսաբուծական ձեռնարկությունները: Ստուգման նպատակն է՝ ապահովել իսկապես հայկական և բուսասանիտարական առումով անվտանգ արտադրանքի մուտքը Ռուսաստանի Դաշնություն։
Նախկինում ծառայությունը չէր բացառել, որ այն երկրներից, որտեղից ներմուծումն արգելված է, մաքսանենգ ճանապարհով կարող են ներմուծվել ՌԴ՝ հայկական արտադրանքի անվան տակ։
Թարգմանությունը՝ Էմմա Չոբանյանի
