02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Բրիտանիան մեղմացրել է ռուսական նավթի նկատմամբ պատժամիջոցները՝ Հորմուզի նեղուցի փակման պատճառով
Քաղաքականություն
20.05.2026 | 14:40
Մեծ Բրիտանիայի կառավարությունը, ԱՄՆ-ի օրինակով, մեղմացրել է ռուսական նավթի նկատմամբ սահմանված պատժամիջոցները, որոնք վերամշակվում են դիզելային վառելիքի և ավիացիոն վառելիքի երրորդ երկրներում, գրում է BBC-ի ռուսական ծառայությունը։
Պատժամիջոցների մեղմացված ռեժիմն ուժի մեջ է մտնում չորեքշաբթի՝ մայիսի 20-ին։ Այս ժամանակավոր միջոցը ձեռնարկվում է Ռուսաստանի դեմ պատժամիջոցների ընդհանուր խստացման ֆոնին, որը պատերազմ է մղում Ուկրաինայում: Մեծ Բրիտանիայի կառավարությունը շարունակում է հավատարիմ մնալ խիստ պատժամիջոցների ռեժիմին, ընդգծել է կառավարության ներկայացուցիչը։
Պատժամիջոցների մեղմացումն արտացոլում է էներգետիկ ճգնաժամի ընդհանուր վատթարացման և որոշակի նավթամթերքների մատակարարման խնդիրների վերաբերյալ մտահոգությունները Հորմուզի նեղուցի շարունակական շրջափակման պայմաններում։
Բրիտանական իշխանությունների որոշումը հաջորդում է Միացյալ Նահանգների նմանատիպ քայլին, որը մայիսի 18-ին երկարաձգեց ռուսական նավթի և նավթամթերքի ծովային փոխադրման և վաճառքի լիցենզիան՝ ի հեճուկս պատժամիջոցների: ԱՄՆ ֆինանսների նախարարությունը նշել է, որ ժամանակավոր լիցենզիան նախատեսված է աջակցելու Իրանի պատերազմի պատճառով մատակարարման խափանումներից տուժած ամենախոցելի երկրներին:
Առանձին Մեծ Բրիտանիայի կառավարությունը մինչև 2027 թվականի հունվարի 1-ը Ռուսաստանից հեղուկ բնական գազի ծովային փոխադրման լիցենզիա է տրամադրել։
Թարգմանությունը՝ Էմմա Չոբանյանի
