06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Mango ընկերության հիմնադրի որդին ձերբակալվել է հոր սպանության կասկածանքով
Քաղաքականություն
19.05.2026 | 16:22
Իսպանական Կատալոնիայի ոստիկանությունը ձերբակալել է Ջոնաթան Անդիկին՝ իր հոր՝ Mango հագուստի ընկերության հիմնադիր ու սեփականատեր Իսակ Անդիկին սպանելու կասկածանքով։ El Pais-ի տվյալներով՝ հանգուցյալ գործարարի որդին նախկինում կասկածյալ էր ճանաչվել գաղտնի պահվող գործով: Ջոնաթանը ձերբակալվել է՝ Բարսելոնա տեղափոխվելու համար, որտեղ նա կհարցաքննվի որպես կասկածյալ, նշում է The Insider-ը։
71-ամյա Իսակ Անդիկը մահացել է 2024 թվականի դեկտեմբերին՝ Բարսելոնայից 50 կիլոմետր հեռավորությամբ գտնվող Մոնսերատ լեռան վրա արշավի ժամանակ՝ ավելի քան 100 մետր բարձրությունից ընկնելուց հետո։ Գործարարին ուղեկցում էր միայն իր երեք որդիներից ավագը՝ Ջոնաթանը։ Սկզբում նա համարվում էր հոր մահվան գործով վկա, սակայն քննիչներն անհամապատասխանություններ են հայտնաբերել նրա ցուցմունքներում, արդյունքում նրա դատավարական կարգավիճակը փոխվել է։
Հետաքննությունը պարզել է, որ Ջոնաթան Անդիկը հոր մահից մի քանի օր առաջ այցելել էր Մոնսերատ։ Պաշտպանությունը պնդում է, որ որդին պարզապես պատրաստվում էր առաջիկա ուղևորությանը։ Պարզվել է նաև, որ հայրն ու որդին երբեմն կոնֆլիկտներ են ունեցել։ Օրինակ՝ 2014 թվականին Իսակը Mango-ի կառավարումը հանձնել է Ջոնաթանին, բայց զգացել է, որ նա ձախողվել է, և մեկ տարի անց վերադարձրել է ընկերությունը։
Իսակ Անդիկի կարողությունը գնահատվել է 4,5 միլիարդ եվրո, ինչը նրան դարձնում է Կատալոնիայի ամենահարուստ մարդը։
Թարգմանությունը՝ Էմմա Չոբանյանի
