02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Հայաստանն ու Լիտվան ռազմավարական գործընկերության հռչակագիր են ստորագրել․ ՏԵՍԱՆՅՈՒԹ
Քաղաքականություն
19.05.2026 | 13:12
Հայաստանն ու Լիտվան ռազմավարական համագործակցության մասին հռչակագիր են ստորագրել։ Երևանում Լիտվայի ԱԳ նախարար Կեստուտիս Բուդրիսի հետ համատեղ ասուլիսի ժամանակ հայտարարեց ՀՀ ԱԳ նախարար Արարատ Միրզոյանը։
«Այս պահից սկսած Հայաստանն ու Լիտվան ռազմավարական գործընկերներ են։ Սա մի ձևաչափ է, որը մեզ հնարավորություն կտա և՛ ավելի լրջացնելու մեր քաղաքական երկխոսությունն ու համագործակցությունը, և՛ ավելի համապարփակ մոտենալու ոլորտային համագործակցությանը»,- նշեց Միրզոյանը։
Իր ելույթում Լիտվայի ԱԳ նախարարը ևս ընդգծեց ռազմավարական գործընկերության փաստաթղթի ստորագրումն ու ընդգծեց, որ այն ընդլայնում է երկու երկրների գործընկերությունը։
Միրզոյանն էլ նշեց, որ երկու երկրների հարաբերություններն առաջնահերթ հիմնված են ընդհանուր արժեքների վրա՝ ինքնիշխանության, ժողովրդավարության, մարդու իրավունքների։
Ըստ նրա՝ այս նույն արժեքներն այսօր թիրախավորվում են տարբեր կենտրոնների կողմից և հիբրիդային սպառնալիքների ներքո են։
Նախարարները հավաստիացրին, որ նոր փաստաթուղթը կնպաստի հարաբերությունների առավել խորացմանը։
Մանրամասները՝ տեսանյութում։
