26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
ՌԴ-ում միջուկային ուժերի զորավարժություններ կանցկացվեն՝ ավելի քան 64,000 անձնակազմի մասնակցությամբ
Քաղաքականություն
19.05.2026 | 13:32
Մայիսի 19-ից 21-ը Ռուսաստանի զինված ուժերը զորավարժություններ կանցկացնեն՝ ագրեսիայի սպառնալիքի դեպքում միջուկային ուժերի կիրառման նախապատրաստվելու: Վարժանքներին ներգրավված են ռազմավարական նշանակության հրթիռային ուժերը, Խաղաղօվկիանոսյան նավատորմը , Հյուսիսային նավատորմը, Հեռահար ավիացիայի հրամանատարությունը, ինչպես նաև Լենինգրադի և Կենտրոնական ռազմական օկրուգների որոշ ուժեր, հաղորդում է Ռուսաստանի պաշտպանության նախարարության մամուլի ծառայությունը,
Ըստ Կոմերսանտի՝ միջուկային զորավարժություններին կմասնակցեն ավելի քան 64,000 զինծառայող և ավելի քան 7,800 միավոր տեխնիկա, այդ թվում՝ ավելի քան 200 հրթիռային կայանք, 140 թռչող սարք, 73 նավ և 13 սուզանավ, որոնցից ութը՝ ռազմավարական հրթիռային սուզանավեր։
Հաղորդագրության համաձայն՝ զորավարժությունների հիմնական նպատակը հակառակորդին զսպելու գործողությունների մշակումն է և անձնակազմի պատրաստվածության մակարդակի գնահատումը: Ավելին, նախատեսվում է Բելառուսում տեղակայված միջուկային զենքի համատեղ պատրաստման և կիրառման հարցերի մշակում։ ՌԴ Պաշտպանության նախարարությունը հայտարարել է նաև բալիստիկ և թևավոր հրթիռների փորձարկումների մասին:
Նախօրեին էլ Բելառուսի Պաշտպանության նախարարությունը հայտարարել էր ՌԴ-ի հետ միջուկային զենքի մարտական կիրառման և միջուկային աջակցության ստորաբաժանումների մասնակցությամբ զորավարժությունների մեկնարկի մասին:
Թարգմանությունը՝ Էմմա Չոբանյանի
