«Բարսելոնան» երկարաձգեց Ֆլիկի հետ պայմանագիրը․ ՏԵՍԱՆՅՈՒԹ
«Բարսելոնայի» գլխավոր մարզիչ Հանս-Դիտեր Ֆլիկը երկարաձգել է կատալոնական ակումբի հետ գործող պայմանագիրը, հաղորդում է ակումբի մամուլի ծառայությունը։
Գերմանացի մասնագետի նոր պայմանագիրը նախատեսված է մինչև 2027/28 մրցաշրջանի ավարտը և ունի ևս մեկ տարով երկարաձգելու հնարավորություն։
61-ամյա Ֆլիկը 2024 թվականից է գլխավորում կատալոնական ակումբը, որի հետ դարձել է Իսպանիայի կրկնակի չեմպիոն, գավաթակիր ու կրկնակի սուպերգավաթակիր։ Նրա նախորդ պայմանագրի ժամկետը լրանում էր 2027թ․ ամռանը։