16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Գոռ Մինասյանը՝ ծանրամարտի Ասիայի եռակի չեմպիոն․ ՏԵՍԱՆՅՈՒԹ
18.05.2026 | 16:20
Օլիմպիական փոխչեմպիոն Գոռ Մինասյանը ծանրամարտի Բահրեյնի հավաքականի կազմում դարձել է Ասիայի եռակի չեմպիոն:
31-ամյա ծանրորդն Ասիայի առաջնութան գերծանր քաշային կարգում (+110 կգ) հաղթել է երկամարտի 457 կգ (212+245) արդյունքով։
Պոկում վարժությունում Մինասյանը նվաճել է փոքր ոսկե մեդալ, իսկ հրում վարժությունում գրանցել է երկրորդ արդյունքը։ Հրում վարժությունում 261 կգ արդյունքով հաղթել է իրանցի Ալիռեզա Յուսեֆին, որը սահմանել է աշխարհի ռեկորդ։ Երկամարտում Յուսեֆին 12 կգ է զիջել Գոռ Մինասյանին ու գրավել է երկրորդ տեղը։
Հիշեցնենք, որ Գոռ Մինասյանը 2022 թվականին է փոխել մարզական քաղաքացիությունը: Ծանրամարտի Հայաստանի հավաքականի կազմում գյումրեցի ծանրորդը դարձել է Ռիո-2016 Օլիմպիական խաղերի փոխչեմպիոն, աշխարհի առաջնության կրկնակի արծաթե ու կրկնակի բրոնզե մեդալակիր, Եվրոպայի առաջնության եռակի փոխչեմպիոն և բրոնզե մեդալակիր:
