16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Էլինա Ավանեսյանը պարտվել է որակավորման փուլի եզրափակիչում
18.05.2026 | 15:02
Հայաստանը ներկայացնող Էլինա Ավանեսյանը հանգստյան օրերին մասնակցել է Մարոկկոյի մայրաքաղաք Ռաբաթում անցկացվող WTA-250 շարքի մրցաշարի որակավորման փուլին, սակայն չի կարողացել նվաճել եզրափակիչ փուլի ուղեգիր։
23-ամյա թենիսիստն առաջին մրցախաղում 7։6, 6։2 հաշվով հաղթել է ֆրանսիացի Ամանդին Էսին, իսկ որակավորման փուլի եզրափակիչում պարտվել է Ֆրանսիայի մեկ այլ ներկայացուցիչ Ֆիոնա Ֆերոյին ու դուրս մնացել պայքարից։ Աշխարհի 200-րդ ռակետ Ֆերոն հաղթել է 3 սեթում՝ 6։7, 6։0, 6։3։
Հիմնական մրցաշարի առաջին շրջանում Ֆիոնա Ֆերոն կմրցի չեռնոգորցի Դանկա Կովինիչի հետ։
Կանանց թենիսի ասոցիացիայի (WTA) դասակարգման թարմացված աղյուսակում Էլինա Ավանեսյանը նահանջել է 17 աստիճան ու զբաղեցնում է 329-րդ տեղը։
