11.06.2026 | 22:34
Ո՞ւմ օգտին են փոխվում թվերը․ վաղը կավարտվի ընտրությունների արդյունքների վերահաշվարկը. ՏԵՍԱՆՅՈՒԹ
Թուրքիան՝ Ղրիմի թերակղզու «անօրինական բռնակցման» մասին
Քաղաքականություն
18.05.2026 | 15:46
Թուրքիայի Արտաքին գործերի նախարարությունը հայտարարություն է տարածել Ղրիմի թաթարների և չերքեզների տեղահանության տարելիցի կապակցությամբ։
«Ղրիմի թաթար թուրքերը բռնի կերպով արմատախիլ արվեցին իրենց հայրենիքից 82 տարի առաջ այսօր (մայիսի 18-ին): 1944 թվականի աքսորի ժամանակ հարյուր հազարավոր ղրիմցի թաթարներ աքսորվեցին տարբեր երկրների աշխատանքային ճամբարներ, շատերը կորցրեցին իրենց կյանքը պայմանների պատճառով: Երկար տարիներ մեր ցեղակիցները չեն կարողանում վերադառնալ իրենց հայրենիք՝ Ղրիմի թերակղզի»,- ասվում է հայտարարությունում։
Թուրքիան նաև Ռուսաստանին մեղադրել է Ղրիմի անօրինական բռնակցման մեջ, սակայն երկրի անունն ուղղակիորեն չի նշվում։
«Ղրիմի թաթարների՝ Ղրիմի բնիկ ժողովրդի տառապանքները սրվել են թերակղզու անօրինական բռնակցման պատճառով։ Թուրքիան շարունակելու է աջակցել Ղրիմի թաթարների ազգային ինքնության, լեզվի և մշակույթի պահպանմանը, ինչպես նաև նրանց անվտանգության և բարեկեցության ապահովմանը»,- նշում է Անկարան:
Հայտարարության մեջ ասվում է, որ չերքեզների աքսորը, որը տեղի է ունեցել 162 տարի առաջ՝ մայիսի 21-ին, հիշողության մեջ մնում է որպես մեծ մարդասիրական ողբերգություն, որը ստիպել է Կովկասի ժողովուրդներին լքել իրենց հայրենիքը չափազանց դաժան պայմաններում՝ Կովկասին պատճառելով հսկայական կորուստներ և խորը տառապանքներ։
Թարգմանությունը՝ Էմմա Չոբանյանի
